O‘quvlarning ikkinchi davrasi boshlandi
22 dekabr kuni Andijon viloyati Shahrixon tumani Qishloq xo‘jaligi kasb-xunar kollejida O‘zbekiston musulmonlari idorasi tomonidan Andijon viloyatining Asaka va Shahrixon tumanlarida faoliyat ko‘rsatib kelayotgan masjid imom-xatiblari, imom-noiblari va otinoyilari uchun olti kunlik malaka oshirish o‘quvlari boshlandi.
Malaka oshirish o‘quvlariga qatnashayotgan 2-davra tinglovchilariga eng dolzarb mavzular bo‘yicha darslar tashkil qilindi. Darslarni namunali tashkil qilish va o‘tkazish uchun barcha shart-sharoitlar hozirlandi.
Tinglovchilarga darslarning 1-kunida ma’ruzachilar tomonidan “Diniy-ma’rifiy sohada olib borilayotgan islohotlarning mazmun mohiyati”, “Zamonaviy musulmon jamiyati va islom omili”, “Markaziy Osiyoda yozilgan tafsirlar va ularning qo‘lyozma nusxalari”, “Jamoat namozining buzilishiga sabab bo‘ladigan qiroatdagi xatolar”, “Qur’on tilovati odoblari: tajvid qoidalari”, “Hanafiy mazhabidagi fiqhiy kitoblar va masalalarning martabalari”, “Moturidiylik ta’limotida imon masalasi”, “Islomdagi g‘oyaviy ixtiloflar, oqimlar va firqalar: tarix va bugungi kun” va o‘tilgan darslar muhokamasi kabi mavzular ilmiy asoslangan holda keng yoritilib berildi.
O‘quv mashg‘ulotlari davom etmoqda.
O‘zbekiston musulmonlari idorasining
Andijon viloyati vakilligi xodimi Nurulloh Qodirov
Namozim buzildimi?
Savol: Masjiddagi jamoatda ba’zan oldingi safdagi odamning kiyimi kalta bo‘lgani uchun sajdada orqasi qisman ochilib qoladi va bexosdan unga ko‘zimiz tushib qoladi. Shu holatda tahorat yoki namozimiz buzilmaydimi?
Javob: Bismillahir Rohmanir Rohiym. Ulamolar tahorat va namozni buzuvchi omillarni birma-bir sanaganlar. Ular ichida birovning avratiga ko‘z tushib qolish sababli buziladi, degan gap yo‘q. Birovning, xoh ayolning, xoh erkakning avratiga qarash sababli bavl yoki biror suyuqlik chiqmasa, tahorat sinmaydi. Ammo bu degani qarash, nazar solish mumkin ekan, deb tushunmaslik kerak. Chunki bunday ishlar aslo mumkin emas.
Bir narsani yodda tutish lozimki, namoz o‘qish uchun tayyorlanayotgan inson namoz o‘qish asnosida avratlari ochilib qolmasligining chorasini ko‘rishi kerak bo‘ladi. Chunki bir rukn (farz amali) miqdoricha avratining to‘rtdan biri ochilib tursa, uning namozi buziladi. Vallohu a’lam.
O‘zbekiston musulmonlari idorasi
Fatvo markazi
- «
- »