Navoiy shahrida alohida ta’lim ehtiyojlari bo‘lgan bolalar uchun 16-sonli davlat ko‘p tarmoqli ixtisoslashtirilgan maktabgacha ta’lim tashkilotidagi nogironligi bo‘lgan bolalar uchun O‘zbekiston musulmonlari idorasi Navoiy viloyat vakilligi homiyligi bilan yangi sport zali qurilib, foydalanishga topshirildi.

Ochilish marosimida O‘zbekiston musulmonlari idorasi Navoiy viloyat vakilligi, Ijtimoiy himoya milliy agentligi Navoiy viloyati boshqarmasi, Din ishlari bo‘yicha qo‘mitaning viloyat boshqarmasi vakillari, Navoiy garnizoni harbiylari ishtirok etdi.

Mazkur jismoniy-sog‘lomlashtirish majmuasi alohida ta’lim ehtiyoji bo‘lgan bolalar uchun davolash-gimnastika mashg‘ulotlarini olib borish, ularni ham jismoniy, ham ruhiy rivojlanishishga, zarur bo‘lgan ko‘nikmalarni egallashga imkoniyat yaratdi.

Ma’lumot o‘rnida ushbu maskanda bugungi kunda 108 nafar bolajon ta’lim-tarbiya olib kelmoqda. 

O‘zbekiston musulmonlari idorasi

Matbuot xizmati