Shu yilning 27 yanvar kuni Misr Arab Respublikasining Qohira shahrida “Al-Azhar” majmuasi qoshidagi Imom Ash’ariy markazi tomonidan birinchi xalqaro ilmiy forum tashkil etildi.
Anjuman “Imom Ash’ariyning islomiy firqalarga oid fikriy yondashuvlari: aqidaviy ixtilofdan muloqot va mo‘tadillik sari” mavzusiga bag‘ishlanib, unda islom olamining yetuk ulamolari va tadqiqotchilari ishtirok etdi.
Forumda Imom Buxoriy nomidagi Toshkent islom instituti vakillari, jumladan, institut rektori Uyg‘un domla G‘afurov va “Hadis va islom tarixi fanlari” kafedrasi katta o‘qituvchisi Faxriddin domla Mamanasirov faol qatnashdi.
Tadbir ochilish marosimida Al-Azhar va Imom Ash’ariy markazi rahbarlari, Misr muftiysi hamda xalqaro ilmiy muassasalar vakillari so‘zga chiqdi.
Mazkur forum islom olamida ilmiy hamkorlikni mustahkamlash, ma’rifat orqali mo‘tadillikni targ‘ib etish va sof islom aqidasini qo‘llab-quvvatlashga xizmat qilmoqda.
O‘zbekiston musulmonlari idorasi
Matbuot xizmati
Shu maqsadda “Qur’on va tajvidni o‘rgatish” bo‘limi tomonidan o‘qituvchi va mas’ul xodimlar uchun mahorat oshirishga qaratilgan turkum onlayn darslar tashkil etilgan edi. Joriy yilning 28 yanvar kuni mazkur silsilaviy darslarning navbatdagi mashg‘uloti bo‘lib o‘tdi.
Zoom platformasi orqali tashkil etilgan mashg‘ulotda O‘zbekiston musulmonlari idorasi raisi o‘rinbosari Muhammadolim domla Muhammadsiddiqov hamda Din ishlari bo‘yicha qo‘mita mas’ul xodimi Elyor Alimqulov ishtirok etdilar. Ular soha mutaxassislariga ta’lim sifatini oshirish va ish jarayonini to‘g‘ri tashkil etish bo‘yicha zarur tavsiyalar berdilar.
Darsning asosiy qismida bo‘lim boshlig‘i Shayx Alijon qori Fayzulloh Maxdum “Qur’oni karim shafoati” kitobi asosida ilmiy ma’ruza qildi. Ta’kidlash joizki, kelgusida darslarda faol ishtirok etgan va bilimlarini muvaffaqiyatli namoyish qilgan tinglovchilarga ushbu kitob bo‘yicha maxsus ijoza berilishi rejalashtirilgan.
AlQuranuz