Туркманистондаги ўрта асрга тегишли Шаҳрислом ёдгорлиги Туркманистон Республикаси Фанлар академиясининг Археология ва этнография институти тадқиқотчилари томонидан ўрганилмоқда. Бу ҳақда Турон24 нашри маълум қилди.

Шу сабаб, Саноатчилар ва тадбиркорлар уюшмаси томонидан тадқиқотчилар учун доимий экспедиция ва транспорт хизмати йўлга қўйилди.

Эски карвон йўлидаги ушбу ёдгорликда экспертлар форс ҳунармандлари томонидан талкхлорид тошидан ясалган рўзғор асбоблари, Хитой чинни буюмлари, мис, кумуш ва олтин-кумуш қоришмасидан тайёрланган тангалар, шунингдек, қимматбаҳо тошлар билан безатилган заргарлик буюмлари топилган.

Шаҳрислом карвонсаройи, ундаги эски сув таъминоти тизими туркманлар томонидан амалий тажриба ва махсус билимларсиз бунёд этилгани маълум.

Туркманистон Республикаси президенти Гурбангули Бердимуҳамедов ўзининг “Туркманистон – Буюк Ипак йўлининг юраги” номли китобида ўрта асрда Шаҳрисломдаги “Так-Ёзир” деб номланган савдо шаҳри ҳақида айтиб ўтади.

Шунингдек, китобда бир квадрат километр майдонни эгаллаган ушбу қароргоҳ ўрта асрларда улкан савдо маркази вазифасини бажаргани айтиб ўтилган.

Ўзбекистон мусулмонлари идораси Матбуот хизмати

Ўзбекистон мусулмонлари идораси юртимизнинг диний, ижтимоий-маданий ҳаётида муносиб ўрин эгаллаган расмий диний ва мустақил ташкилот сифатида маълум. Ушбу китобда мазкур идора ташкил топганидан буён ўтган 70 йилдан ортиқ вақт мобайнида Ватан, дин, халқ хизматига бел боғлаган, умрини ислом маърифатини ёйиш йўлида бахшида этган дин арбоблари, мударрислар, имом- хатиблар ҳаёти ва фаолияти хақидаги маълумотлар жамланган.

Китобга Ўзбекистон мусулмонлари идораси раиси муфтий Усмонхон Алимов ҳазратлари ва Бахтиёр Бобожонов масъул муҳаррирлик қилган.

Асар икки қисмдан ташкил топган. Биринчи қисмда: Ўрта Осиё Россия империяси мустамлакаси бўлган даврда мусулмон диний ташкилотлари, Қатағон йиллари: зулм ва истибдод, Мустақиллик йиллари: миллий ва диний қадриятларнинг тикланиши каби мавзуларда илмий маълумотлар келтирилган.

Иккинчи қисмда эса, ватан, дин ва халқ хизматида фаолият юритган диний идора раҳбарлари, муфтийлар, уларнинг ўринбосарлари, диний таълим муассасалари раҳбарлари, Тошкент ислом институти ректорлари, Мир Араб мадрасаси мудирлари ҳамда республикамизнинг вилоят, шаҳар ва туманларида меҳнат қилган имом-хатибларнинг таржимаи ҳоллари, илм йўлидаги ибратли намуналари баён этилган.

Асар сўнгида Ўзбекистон мусулмонлари идорасида кўп йил меҳнат қилган ходимлар ва юртимизда таҳсил олган хорижлик дин арбоблари ҳақида ҳам маълумотлар келтирилган.

Китоб “Мовароуннаҳр” нашриётида чоп этилган.

Муаллиф: Ҳайдархон Йўлдошхўжаев.

Нашриётда сотиладиган нархи: 55000.

Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган. 

*****

Эй Роббим!

Ҳар бир вафот этган мўминни раҳм қилгин!

Ҳар бир беморга шифо бергин!

Ҳар бир ғамнокка шодлик бергин!

Ҳар бир ишсизга иш бергин!

Ҳар бир бефарзандга солиҳ-солиҳа фарзандлар ато этгин!

Ҳар бир толиби илмга фойдали илм бергин!

Ҳар бир бўйдоққа солиҳ-солиҳа жуфтни рўбарў қилгин!

Ҳар бир маҳзунга саодат бергин!

*****

Кўпинча севишини ифода қилиб беролмайдиганлар кўпроқ севишади.

 *****

Бу ҳаётда кўп нарсани ўзинг ўқиб, ўрганасан. Аммо қўполликни бошқалар билан бўладиган садоқатсиз муомалалардан кейин ўрганасан.

*****

Энг ҳунук нарсалардан бири – қадрноним деб юрган одаминг хатойингни айтмасдан сен билан алоқани узишидир.

*****

Баъзи одамлар сунъий дарахтларга ўхшайди. Ҳар қанча суғорсанг ҳам мева бермайди.

*****

Ҳеч кимни жеркиб, четга суриб қўйма! Аммо сени хоҳламайдиган инсонни қўлидан тутиб қолма.

*****

Шундай инсонлар борки, улар одамларга айб излаш кўзи билан, ўзларига эса гўзаллик, ютуқ излаш кўзи билан қарайдилар.

*****

Ҳеч кимга зулм қилмасликка, ҳеч кимни ғийбат қилмасликка, ҳеч кимнинг дилини оғритмасликка, ўзини ҳеч кимдан устун қўймасликка уринадиган кишиларга саломатлик бўлсин!

*****

Ҳаммамизда айблар бор. Агар Аллоҳ таолонинг “сатр” (тўсиш, яшириш) деган неъмати бўлмаганда, қаттиқ хижолатликдан бўйинларимиз эгилиб қолган бўларди.

Интернет материалларидан тўплаб, таржима қилувчи

 Нозимжон Иминжонов

ЎМИ Матбуот хизмати

Тошкент молия институти ва Binary бошқарув ва тадбиркорлик университети (Малайзия) янгидан очилаётган ўзбек-малайзия факультетининг ўқув дастурини тасдиқлашди.

Бошланғич босқичда Тошкент молия институти қошидаги ушбу факультетда 50 нафар магистрант молия ва банк иши учта ихтисосликлар бўйича қабул қилинади.

Малайзия университети ижрочи раиси Жозеф Адайкаламнинг айтишича, келгусида факультет ўз фаолияти доирасини кенгайтириб, халқаро аудит ва ислом банкинги бўйича мутахассисларни ҳам тайёрлаши мумкин бўлади.

Унга кўра, 30 йилдан ортиқ тажрибага эга бўлган Binary университети дунёнинг 21 та мамлакати билан худди ана шундай ҳамкорликдаги ўқув дастурларини амалга ошириб келмоқда.

Ўзбекистон мусулмонлар идораси матбуот хизмати