Shayx Ali Tantoviy hazratlari: «Saxovat, ehson ko‘rsatib Allohning rahmati yog‘ilishiga harakat qiling hamda sadaqa bilan musibatlarni daf eting», degan.

Haqiqatan, Ramazonning so‘nggi dahasi ham xayrli amallarga boy kechmoqda. Viloyatdagi barcha masjidlar imom-xatiblari, noiblar homiylarni ham ezgu ishga jalb qilib, hududlardagi kam ta’inlangan, boquvchisini yo‘qotgan, ehtiyojmand, nogironligi bor xonadonlarga kirib borib, ularga ehsonlar tarqatishyapti.
* * *
Yangiyo‘l tumani bosh imom-xatibi Qamariddin domla Qambarov homiylarni jalb qilgan holda 50 ta kam ta’minlangan oilaga 1 qopdan un, 5 litrdan yog‘ berdi. Buning uchun jami 85 million so‘m sarflandi.

Shuningdek, 20 ta kam taminlangan oilaga 5 turdagi oziq-ovqat mahsulotlari tarqatildi.
* * *
Toshkent tumani «Mirxalil hoji ota» jome masjidi imomi Ulug‘bek domla homiylarni jalb qilgan holda Yangiyo‘l, Toshkent va Chirchiq tumanlaridan 180 ta yetim va ijtimoiy himoyaga muhtoj oilaga oziq-ovqat mahsulotlari berdi.
* * *
Parkent tumani bosh imom-xatibi Mirshavkat domla To‘ychiyev saxovatpesha insonlar ko‘magida 10 ta oilaga jami 5 million so‘mlik oziq-ovqat mahsulotlari tarqatdi.

Tumandagi «Boyqozon» jome masjidi imomi V.G‘ulomov homiylarni jalb qilgan holda 10 ta xonadonga 3 million so‘mlik oziq-ovqat mahsulotlarini yetkazib berdi.
* * *
O‘rta Chirchik tumani «Tuya bo‘g‘iz» masjidi imomi saxovatli insonlar yordami ila o‘n million so‘mlik oziq-ovqat mahsulotlari haqdorlarga yetkazib berildi.

Shuningdek, tuman bosh imomi J.Turonov «Yangi yo‘l» mahallasida yashovchi bir oilaga 500 ming so‘mlik, «Yuqori ovul» mahallasilik ijtimoiy himoyaga muhtoj bir kishiga ham 500 ming so‘m ehson berdi.
* * *
Oqqo‘rg‘on tumani masjidlari ma’muriyati ham 30 ta oilaga 12 million so‘mlik ehson tarqatdi.
* * *
Yuqori Chirchiq tumani «Sakson ota» jome masjidi imomi Sulaymon O‘sarov boshchiligida homiylar saxovatidan foydalanib to‘rtta xonadonga 4 million so‘mlik oziq-ovqat mahsulotlari yetkazib berildi.
* * *
Alloh taolo ehsonlarning savobini ko‘paytirib bersin.

Toshkent viloyati vakilligi
Matbuot xizmati