Islom dinida beshta farz bor:

Imon

Namoz

Ro‘za

Zakot

Haj.

Imonda yettita farz bor:

Allohga;

Allohning farishtalariga;

Allohning kitoblariga;

Allohning payg‘ambarlariga;

Oxirat kuniga;

Taqdirga, ya’ni yaxshilik ham, yomonlik ham Allohdan ekaniga;

O‘limdan keyin qayta tirilmoqqa ishonish.

Tahoratda to‘rtta farz bor:

Yuzni peshonadan, sochlar chiqqan joydan, iyak ostigacha va ikki quloq orasidagi qismini yuvish.

Qo‘llarni tirsaklari bilan birga qo‘shib yuvish.

Boshning to‘rtdan biriga mas'h tortish.

Oyoqlarni to‘piqlari bilan qo‘shib yuvish.

G‘uslda uchta farz bor:

Og‘izni g‘arg‘ara qilib chayish.

Burunni achishtirib chayish.

Badanning hamma joyini yuvish.

Tayammumda to‘rtta farz bor:

Niyat

Pok tuproqqa tayammum qilish

Ikki qo‘lni pok tuproqqa urib, yuzga surish

Qo‘llarni yana tuproqqa urib, qo‘llarga tirsak bilan qo‘shib surish.

Namozda o‘n ikkita farz bor:

Oltitasi namoz tashqarisida, oltitasi namoz ichida.

Namoz tashqarisidagilar «shart», ichidagilar «rukn» deyiladi.

Namozning olti sharti:

Tahorat buzilgan bo‘lsa, tahorat qilish, junub bo‘lgan bo‘lsa, g‘usl qilishi.

Badan, kiyim va namoz o‘qiladigan joy najosatdan toza bo‘lishi.

Avrat yopiq bo‘lishi.

Qiblaga qarab turish.

O‘z vaqtida o‘qish.

O‘qiydigan namoziga niyat qilish.

Namozning olti rukni:

Iftitoh takbiri

Qiyom

Qiroat

Ruku

Sajda

Qa’da (so‘nggi o‘tirish).

Qolgan farzlar

Ilm olish.

Amri ma’ruf va nahiy munkar.

Hayz va nifos ilmini bilish.

Rizqni halol yo‘l bilan topish.

Shariatda halol deyilgan narsalarni yeyish va harom deyilgan narsalardan o‘zini tiyish.

Muhim vazifalar

Alloh taoloni zikr etish

Haloldan yeb-ichish

Tahorat olish, g‘usl qilish

Besh vaqt namoz o‘qish

Rizqni Allohdan deb bilish

Toza kiyim kiyish

Allohga tavakkul qilish

Qanoatkor bo‘lish

Allohga shukr qilish

Allohning qazo va qadariga rozi bo‘lish

Balolarga, musibatlarga sabr etish

Gunohlarga tavba qilish

Ixlos bilan ibodat etish

Shaytonni dushman bilish

Har bir ishda Qur’oni karimni hujjat, dastur deb bilish

O‘lim muqarrarligiga ishonib, unga tayyor bo‘lish

Yaxshilikka buyurish, yomonlikdan qaytarish

Alloh sevganini sevish, sevmaganidan qochish. Har bir ishni Alloh uchun qilish

Ota-onaga yaxshi munosabatda bo‘lish va ularga itoat etish

Qarindoshlarni ziyorat qilish

Omonatga xiyonat etmaslik

Allohning azobidan qo‘rqish

Allohga, Payg‘ambarga itoat qilish

Gunohlardan qochish, ibodat bilan mashg‘ul bo‘lish

O‘ylab, tadbir bilan ish ko‘rish

Koinotga ibrat nazari bilan boqish

Tilni yomon so‘zlardan saqlash

Qalbni poklash, behuda so‘zlarni gapirmaslik, foydasiz ishlarni qilmaslik

Hech kimga yomonlik qilmaslik

Hech kimni masxara etmaslik, minnat qilmaslik

Haromga qaramaslik

So‘ziga sodiq bo‘lish, to‘g‘rilikdan ayrilmaslik

Sehr-jodu qilmaslik

Yomon so‘zlarni eshitmaslik

Ilm tahsil etish

To‘g‘ri o‘lchash va to‘g‘ri tortish

Faqirga sadaqa berish, muhtojga yordam berish

Allohning rahmatidan umid uzmaslik.

Nafsga (yomon orzularga) tobe bo‘lmaslik.

Alloh uchun yeyish, yedirish

Kifoya qiladigan darajada rizq talab etish

Molining zakotini berish

Hayz va nifos holatida xotiniga yaqinlashmaslik

Qalbini ma’siyat va yomonliklardan tozalash

Kibr qilmaslik

Yetimning molini saqlash

Besh vaqt namozni vaqtida o‘qish

Zulm va haqsizlik bilan xalqning molini yemaslik

Allohga shirk keltirmaslik

Aroq ichmaslik, qimor o‘ynamaslik, pora olmaslik, pora bermaslik

Zinodan qochish

Bekorchi ishlar uchun qasam ichmaslik.

O‘MI matbuot xizmati