Савол: Қиёмат кунида Пайғамбаримиз соллаллоҳу алайҳи васаллам умматлари биринчи бўлиб жаннатга киргандан кейин бошқа пайғамбарларга эргашганлар жаннатга кирадиларми?

Жавоб: Бисмиллаҳир Роҳманир Роҳийм. Ҳа, шундай. Пайғамбарлар ичида энг биринчи бўлиб Пайғамбаримиз соллаллоҳу алайҳи васаллам жаннатга кирадилар. Умматлардан биринчи бўлиб, У зот алайҳиссаломнинг умматлари кирадилар, кейин бошқа умматлар киради. Бу ерда жаннатга кириши башорат қилинган бошқа умматлар деганда, ўз пайғамбари олиб келган динини ўзгартирмасдан ҳақ билан эргашганлар назарда тутилган. Имом Муслим раҳимаҳуллоҳ ўз “саҳиҳ”ларида қуйидаги ҳадисни келтирганлар.

Ҳадисни шарҳ қилган уламолар Расулуллоҳ соллаллоҳу алайҳи васалламнинг умматлари замон жиҳатидан бошқа умматлардан кейин келган бўлсаларда, фазилат ва жаннатга киришда пешқадам бўлади, дейишган. Валлоҳу аълам.

Ўзбекистон мусулмонлари идораси
Фатво маркази.