Yosh imomlar bilan uchrashuv o‘tkazildi
2024–2025 o‘quv yilida diniy ta’lim muassasalarini muvaffaqiyatli tamomlab, viloyat masjidlarida xizmat vazifasiga tayinlangan yosh imomlar va imom-noiblar bilan uchrashuv bo‘lib o‘tdi.
Mazkur tadbir yosh soha xodimlarini qo‘llab-quvvatlash, ularga ma’naviy-ma’rifiy yo‘nalishda zarur tavsiyalar berish hamda kasbiy faoliyatlarini yanada takomillashtirish maqsadida tashkil etildi.
Uchrashuvda Namangan viloyat bosh imom-xatibi Abdulloh domla Samatov ishtirok etib, o‘z nutqlarida yurtimizda yoshlarga yaratib berilayotgan keng imkoniyatlar, shuningdek, soha xodimlarining bilim va mahoratini muntazam oshirib borishi, zamonaviy ilm-fan va axborot texnologiyalarini chuqur egallashi muhim ekanini ta’kidladilar.
Shuningdek, peshvolik mas’uliyati, mav’iza qilish odob-axloqi, belgilangan tartib-qoidalarga qat’iy rioya etish, din va xalq manfaatlari yo‘lida fidoyilik bilan xizmat qilish lozimligi alohida qayd etildi.
Uchrashuv yakunida yosh soha xodimlariga kelgusi faoliyatlarida muvaffaqiyatlar tilab, doimiy izlanish va o‘z ustida ishlash kasbiy kamolotning muhim omili ekani ta’kidlandi.
O‘zbekiston musulmonlari idorasi
Namangan viloyati vakilligi
Matbuot xizmati
Farg‘onada yana bir og‘ir bemorning holidan xabar olindi
«Vaqf» xayriya jamoat fondi Farg‘ona viloyati filialining fidoyi xodimlari va volontyorlari tomonidan saxovatpesha xalqimiz tomonidan qilingan xayr-ehsonlar ezgu maqsadlar yo‘lida sarflanmoqda.
Navbatdagi xayriya tadbiri doirasida Uchko‘prik tumanida yashovchi, jigar sirrozi kasalligiga chalingan og‘ir bemor Kazakov Ilyosjon Yoqubovichning holidan xabar olinib, unga jarrohlik amaliyoti xarajatlari uchun 132 million 500 ming so‘m miqdorida xayriya mablag‘i, oziq-ovqat mahsulotlari jamlanmasi, Mus'haf va boshqa ehsonlar topshirildi.
Bugun bemorlar va ehtiyojmand insonlarga ko‘rsatilayotgan bunday ko‘mak — xalqimizning mehr-oqibati, saxovati va hamjihatligining yorqin ifodasidir.
O‘zbekiston musulmonlari idorasi Matbuot xizmati
- «
- »