Ўн йиллик изтироб... Ўн йиллик кураш... Ўн йиллик умид... Фирдавс Эргашев туғилганидан буён 6 та мураккаб операцияни ўтказди. Ўн йил давомида қорнига ўрнатилган махсус найча орқали овқатлантирилди. Ҳаёти кўп бор хавф остида қолди. Фарзанди билан баробар онаизор ҳам дард чекиб яшади...
Ниҳоят Президентимиз эътибори, Болалар миллий тиббиёт марказининг малакали шифокорлари саъй-ҳаракати билан Фирдавс яна ҳаётга қайтди.

Шундан сўнг болакайнинг онаси Сабоҳат Эргашева қалбидаги қувончи, миннатдорлик сўзлари ва шукроналик туйғуларини давлатимиз раҳбарига ёзган мактубида бирма-бир ифодалашага қарор қилди.

ССВ Матбуот хизмати томонидан тайёрланган "Ҳаётга қайтдим: Президентга мактуб" махсус видеолойиҳаси айни шу қаҳрамонларнинг ҳаётий ҳикоясига бағишланди.

Соғлиқни сақлаш вазирлиги Матбуот хизмати