Shu yil 5 yanvar' kuni Qoraqalpog'iston musulmonlari qoziyoti qozisi Baxramaddin Razov Beruniy tumanidagi masjidlar qurilish ishlari va obodligi bilan yaqindan tanishib, mutasaddi vakillarga qator topshiriq va tavsiyalar berdi. Shuningdek, “Sulton Uvays bobo” ziyoratgohida ham bo'lib bu erdagi ishlarni ko'zdan kechirdi.

Tashrif asnosida Baxramaddin domla tumandagi markaziy “Shayx Abboz Valiy” masjidida jome xodimlari bilan uchrashib, ularga amaliy ko'rsatmalar berdi.

Shundan so'ng so'ng “Hech bir yaxshilikni kichik sanamang!” mavzusida juma ma'ruzasi bilan birga inson manfaati uchun bugun yurtimizda amalga oshirilayotgan

islohotlar, buyuk ne'mat bo'lgan tinchlik va xotirjamlikning qadriga etish haqida suhbat qilib, yurt tinchligi va xotirjamligi uchun duolar qildi.

Kun davomida Qozi domla Beruniy tumanidagi “Maqtumquli” va “Ozod” mahallalari fuqarolari ishtirokidagi “Yangi hayot uchun, Yangi O'zbekiston uchun!” shiori ostida “Mahallada duv-duv gap” mavzusida tashkil qilingan tadbirda ham ishtirok etdi.

Tashrif davomida “Mehr harakati” loyihasi doirasidagi xayriya tadbirida ham qatnashib, tumandagi “Guliston”, “Qiyot” va “Bunyorkor” mahallalaridagi o'zgalar yordamiga muhtoj, boquvchisini yo'qotgan oilalarning yashash sharoiti bilan tanishib, ular bilan dildan suhbat qurdi. Shu bilan birga, ularga homiylar ko'magida oziq-ovqat mahsulotlari va bolalar uchun issiq kiyimlar tarqatildi.

D.Bekanov,
Qoraqalpog'iston musulmonlari qoziyoti xodimi