Сайт тест ҳолатида ишламоқда!
12 Май, 2026   |   24 Зулқаъда, 1447

Тошкент шаҳри
Бомдод
03:34
Қуёш
05:08
Пешин
12:24
Аср
17:23
Шом
19:36
Хуфтон
21:02
Bismillah
12 Май, 2026, 24 Зулқаъда, 1447

Эски кийимларни садақа қилиш

20.11.2023   2065   2 min.
Эски кийимларни садақа қилиш
  1. Эркагу аёлларнинг ва болаларнинг кийилган, лекин йиртилиб кетмаган, ҳали кийишга яроқли кийимларини садақа қилиш мустаҳаб амалдир. Бу иш ёмон кўрган нарсасини садақа қилиб юборишга кирмайди. Эскирган нарса ўртача мол ҳисобланади, чунки камбағаллар бундан ҳам эскироқ кийимларни сотиб олишади. Қанчадан-қанча бойлар писанд қилмайдиган кийимлар борки, уларга эришиш камбағаллар учун орзудир. Бундай кийим-кечакларни ахлатга ташлаш ёки ёқиб юбориш мумкин эмас.

Набий соллаллоҳу алайҳи васаллам янги кийим олган одамларни эскисини садақа қилиб юборишга тарғиб қилганлар.

Умар ибн Хаттоб розияллоҳу анҳу янги кийим кийиб, «Авратимни беркитадиган, ясанадиган нарсани кийдирган Аллоҳга ҳамд бўлсин», деди. Кейин шундай деди: «Расулуллоҳ соллаллоҳу алайҳи васаллам «Ким янги кийим кийганда: "Авратимни беркитадиган, ясанадиган нарсани кийдирган Аллоҳга ҳамд бўлсин" деса, кейин эскирган кийимини садақа қилса, ҳаёту мамотида Аллоҳнинг ҳимоясида, Аллоҳнинг муҳофазасида ва Аллоҳнинг сатрида бўлади», деганларини эшитдим». (Термизий ва бошқалар Абу Умома розияллоҳу анҳудан ривоят қилишган. Ҳофиз Ибн Ҳажар «Натааижул афкаар» деган китобида ҳасан деган).

  1. Ёмон кийимни садақа қилиш макруҳдир. Чунки Аллоҳ таоло: «Нафақа қилганингизда нопокни кўзламанг. Ҳолбуки, уни ўзингиз ҳам ундан кўз юммай туриб олмайсиз», деган. (Бақара сураси, 267-оят). Макруҳ бўлиши билан бирга бундай кийимни садақа қилган одамга садақасига яраша ажр ёзилади, ваҳоланки унга молнинг яхшисини танлаб садақа қилиш афзалдир.

Хатиб Ширбиний роҳимаҳуллоҳ: «Сифатсиз нарсани садақа қилиш макруҳдир. Лекин шундан бошқа нарса топа олмаса, макруҳ бўлмайди»  («Муғнил муҳтааж», 4/197).

  1. Афзали ўша кийимларни ювиб, дазмоллаб, сўнг камбағалнинг ўзига ёки бирорта хайрия жамғармасига бериш ёки масжид имомидан муҳтож одамларни сўраб олиб, ўшаларга беришдир.
  2. Шунингдек, эски оёқ кийим, идиш-товоқ ва уй жиҳозларини садақа қилиш ҳам мустаҳабдир.

Аллоҳ сизу бизнинг солиҳ амалларимизни қабул айласин.

Доктор Муҳаммад Содиқ Дарвиш

 

Бошқа мақолалар
Янгиликлар

ҲАЖГА ОИД САВОЛ-ЖАВОБЛАР УЧУН КОЛЛ-МАРКАЗ ВА ТЕЛЕГРАМ БОТ ХИЗМАТИ ЙЎЛГА ҚЎЙИЛДИ

12.05.2026   958   1 min.
ҲАЖГА ОИД САВОЛ-ЖАВОБЛАР УЧУН КОЛЛ-МАРКАЗ ВА ТЕЛЕГРАМ БОТ ХИЗМАТИ ЙЎЛГА ҚЎЙИЛДИ

Ўзбекистон мусулмонлари идораси томонидан "Ҳаж – 2026" мавсумида ҳаж ибодатига оид саволларга тезкор жавоб берувчи Колл-марказ ва махсус бот хизмати йўлга қўйилди.

Мазкур замонавий алоқа воситаси ва электрон маълумот алмашув хизматида Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчилигидаги Фатво марказининг тажрибали уламолари фаолият юритади.   
 

Ҳаж мавсумида Саудия Арабистонида бўлиб турган зиёратчилар Ҳажга доир шаръий саволлар юзасидан 0595914546 телефон рақамларига қўнғироқ қилишлари мумкин бўлади.


 

Шунингдек, саволларни Фатво марказининг Телеграмдаги @mabrurhajbot манзилига савол йўллаб ҳам ёзма жавоб олиш имконияти мавжуд.



Мамлакатимизда сафар тараддудидаги ҳамюртларимиз эса Фатво маркази колл-марказининг 781503344 ёки 1171 телефон рақамларига қўнғироқ қилиш орқали саволларига жавоб олишлари мумкин.
 

Эслатма: "Ҳаж – 2026" мавсумида Саудиядаги Колл-марказ ва мазкур телеграм бот фақат ҳаж амалларига оид мурожаатларга жавоб беради.



Маълумот ўрнида, "Ҳаж" ва "Умра" тадбирларини ташкил этиш марказининг расмий телеграм канали:
https://t.me/hajumrauz

Телефон рақамлари:
+998998821858
+998888821858
+998778821858

#mabrur_hajning_mukofoti_jannat!

 

Ўзбекистон мусулмонлари идораси
Матбуот хизмати

Ўзбекистон янгиликлари