26 Июн, 2026, 11 Муҳаррам, 1448
26 Июн, 2026, 11 Муҳаррам, 1448
Кеча, 18 май куни Ўзбекистон мусулмонлари идораси раиси, муфтий Усмонхон Алимов ҳазратлари Афғонистон Ислом Республикаси Миллий ярашув олий кенгаши раиси маслаҳатчиси Муҳаммад Муҳсин Донеш жаноблари бошчилигидаги делегацияни қабул қилдилар.
Мулоқот давомида муфтий Усмонхон Алимов ҳазратлари Афғонистон уламоларини ташриф билан қутлаб, икки давлат ўртасидаги ҳамкорлик алоқаларини ривожлантириш, қардош халқ ўртасидаги дўстлик ришталарини мустаҳкамлаш борасида амалга оширилаётган ишлар тўғрисида сўз юритдилар. Ўзбекистон ҳукумати ва халқи Афғонистонда доимо тинчлик бўлиши тарафдори экани ва бу йўлда қўлидан келган барча саъй-ҳаракатларни амалга ошириши, экстремизмга қарши курашда уламоларнинг ҳамкорлигини ривожлантириш ҳар томонлама манфаатли экани, бундай ишлар бундан кейин ҳам давом этишини таъкидладилар.
Муҳаммад Муҳсин Донеш самимий қабул учун миннатдорлик билдириб, икки халқни муштарак илдизлар бирлаштириб туриши, охирги йилларда дўстони алоқалар ривожланиб бораётгани ҳақида сўзладилар. Шунингдек, ушбу ташрифдан мақсад икки давлат уламолари ҳамкорлигини ривожлантириш, экстремизмга қарши кураш ишларида алоқаларни мустаҳкамлаш, диний соҳа ходимлари ўртасида ўзаро тажриба алмашиш эканини қайд этдилар.
Шунингдек, учрашувда Балҳ вилояти ҳаж ва вақф бошқармаси бошлиғи Маҳмуд Донешжу Муҳаммад Бунёд сўз олиб, Ўзбекистон замини қадимдан Ислом дини тамаддуни маркази бўлиб келгани, Мовароуннаҳр ва Балҳ уламоларининг асарлари 200 дан зиёд мамлакатда ўқитилиши, уларнинг илмий мероси тараққиёт учун замин бўлишини таъкидладилар.
Учрашув давомида меҳмонлар Ўзбекистонда диний соҳадаги ишлар, хусусан, масжид-мадрасалар фаолияти, илмий марказлар ва ихтисослашган мактаблар ишлари ҳақида эшитиб, жуда ҳам қувонганлари, Ислом динининг мўътадил ғояларини халққа етказилиши ўзининг ижобий самарасини бераётгани, қадимда Ўзбекистон замини Ислом динининг сиймоси, уламолари эса дин пешвоси бўлгани, бугунги кунда ҳам Ўзбекистон ана шу йўлдан кетаётганини яна бир бор тасдиқладилар.
Дўстона ва самимий руҳда ўтган учрашув давомида муҳокама этилган мавзуларда ҳамкорлик қилиш бўйича ўзаро келишиб олинди.
Ўзбекистон мусулмонлари идораси матбуот хизмати
Бисмиллаҳир Роҳманир Роҳийм
Зиннийра розияллоҳу анҳо Абу Жаҳлнинг қули эди. У зот иймон келтирганида, Абу Жаҳл бундан хабар топиб, уни жуда қаттиқ азоблайди. Зиннийра катта ёшда бўлишларига қарамасдан, аянчли азобларга бардош берадилар. Чунки у зот иймон келтирсалар қандай машаққатлар бўлишини яхши билганлар. Абу Жаҳл у зотнинг тилидан куфр калимаси чиқмаётганини кўриб дарғазаб бўлади ва бошларига қаттиқ нарса билан уради. Бунинг натижасида Зиннийра розияллоҳу анҳунинг кўзлари кўр бўлиб қолади. Шунда кофирлар “сен бизнинг бутларимизга сиғинишни тарк этганинг учун уларнинг ғазабига дучор бўлдинг”, деб мазах қилишади. У зот шунча қийинчиликларга чидайдилар, машаққатларга бардош берадилар лекин Аллоҳнинг шаънига бўлган бу сўзларига чидаб туролмайдилар.
Дарҳол саждага йиқиладилар ва ҳақиқий маъбудга ўз ҳолларини шикоят қиладилар: “Ё Аллоҳим! Улар мени жуда кўп қийноқларга солишди, таъна-маломатлар қилишди, уларнинг барчасига чидадим. Менинг суякларимни синдиришди, жисмимни илма-тешик қилишди барчасига бардош бердим. Лекин, Сенинг шаънингга нолойиқ сўзларни сўзлашганига чидай олмадим. Уларнинг айтишича, тошдан ясалган бутлари мени кўр қилиб қўйган эмиш. Аллоҳим! Менинг кўз нуримни қайтаргин, токи уларга сенинг улуғлигинг намоён бўлсин”.
Зиннийра розияллоҳу анҳо дуога кўтарган қўлларини юзларига тортмасдан туриб, Аллоҳ таоло у зотга кўз нурларини қайтариб берди. Субҳаналлоҳ! У даврдаги эркаклар қанчалик мард бўлсалар, аёлларининг ҳам қалбида илоҳий ишқ жазбалари лиммо-лим эди.
Шайх Зулфиқор Аҳмад Нақшбандийнинг
"Илоҳий ишқ" китобидан Нодир Одинаев таржимаси
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа