16 Июл, 2026, 2 Сафар, 1448
16 Июл, 2026, 2 Сафар, 1448
Рамазон саховат ойи ҳам. Бу улуғ ойда қилинган хайрияларга ўндан етти юз баробаргача ва ундан ҳам кўпайтириб берилади. Шу боис мўмин-мусулмон халқимиз бу мавсумда бошидан то охирига қадар хайрия ишларини кўпроқ қилишга шошилади. Имом-хатиблар ҳам бу ойда саховатпеша инсонларни хайриялар қилиб улкан ажру савоб олиб қолишга тарғиб қилади, эҳтиёжманд оилаларга далолат қилиб ҳақдорларнинг кўнглини обод қиладилар.
Жорий йил Рамазон ойида ушбу анъана янада кенг қулоч ёзди. Бу муборак мавсум давомида Имом-хатиблар ва саховотпеша инсонларнинг яхшилик йўлидаги ҳамкорлиги натижасида юртимиздаги бир неча ўн минглаб эҳтиёжманд оилалар, “Мурувват” ва “Саховат” уйларига, шифохоналардаги ҳақдорларга 10 миллиард 35 миллион сўмдан ортиқ озиқ-овқат, кийим-кечак ва бошқа турдаги хайриялар етказиб берилди. Албатта, бу хайрия ишларининг ҳаммаси эмас. Маҳфий тутилган, ҳисобга киритилмаган хайриялар бундан ҳам кўп. Имом домлаларимиз мушкули бор, кўнгли синиқ, қўли юқа кишиларга моддий хайрияларни улашиш баробарида уларнинг кўнглини ширин сўз билан кўтариб, ҳақларига дуои хайрлар қилдилар.
Қуръони каримда марҳамат қилинади: “Эҳсоннинг мукофоти фақатгина эҳсондир” (Ар-Роҳман сураси, 60-оят). Яъни, яхшиликнинг мукофоти фақатгина яхшиликдир. Ояти каримадаги биринчи яхшиликни бандалар қилади. Унинг ичига барча эзгу ишлар киради. Иккинчи яхшилик эса Аллоҳ таоло яхшилик қилувчиларга берадиган жаннатдир.
Анас розияллоҳу анҳудан ривоят қилинади: Расулуллоҳ соллаллоҳу алайҳи ва саллам айтдилар: “Энг афзал садақа Рамазонда қилинган садақадир”. Имом Аҳмад ва “Сунан” соҳибларининг баъзиларидан қилинган ривоятда: “Ким бир рўзадорга ифторлик берса, у учун у (рўзадор)нинг ажридан ҳеч нарса камаймаган ҳолатда бўлади (ёзилади)”, деганлар.
Эслатиб ўтамиз, имом-хатиблар ташаббуси билан Рамазоннинг илк ҳафтасида қарийб 2 миллиард, икки ҳафтасида 4 миллиард сўмлик сўм хайрия қилингани ҳақида хабар бергандик.
Аллоҳ таоло улуғ ойда қилинган хайрияларни даргоҳида қабул қилиб, ажру мукофотини янада кўпайтириб берсин, бундай хайрли ишларни бардавом қилсин!
Ўзбекистон мусулмонлари идораси матбуот хизмати
Россиянинг “Russia News” интернет нашрида Тошкентда бўлиб ўтган Ислом цивилизацияси форуми якунларига бағишланган мақола эълон қилинди, деб хабар бермоқда “Дунё” АА.
Мақолада қайд этилишича, “Тинчлик, бағрикенглик ва маърифат йўли” мавзусида бўлиб ўтган Ислом цивилизациясининг биринчи халқаро форуми якунлари бўйича декларация қабул қилиниб, унда ислом цивилизациясининг инсонпарварлик меросини қайта тиклаш ва кенг тарғиб этишга қаратилган қатор аниқ ташаббуслар илгари сурилган.
Нашрнинг таъкидлашича, мазкур Декларациянинг асосини Ўзбекистон Президенти Шавкат Мирзиёев томонидан 2017 йилда БМТ Бош Ассамблеясининг 72-сессияси минбаридан илгари сурилган ислом цивилизациясининг инсонпарварлик меросини тиклаш ва тарғиб қилиш
Таъкидланганидек, ҳужжат дунёнинг 40 дан ортиқ мамлакатидан келган вакиллар томонидан имзоланган. Унинг асосий ғояси шундан иборатки, ислом цивилизацияси жаҳон илм-фани, маданияти ва таълим тараққиётига улкан ҳисса қўшган бўлса-да, бу мерос ҳалигача етарлича эътироф этилмаган. Бу, айниқса, дунёда исломофобия, ксенофобия ҳамда ислом ҳақидаги нотўғри тасаввурлар сақланиб қолаётган бир шароитда алоҳида аҳамият касб этади.
Шунингдек, мақолада ислом цивилизацияси меросини асраб-авайлаш ва оммалаштиришга қаратилган қатор ташаббуслар ҳақида ҳам сўз боради. Жумладан, Ислом цивилизацияси бутунжаҳон альянсини ташкил этиш, рақамли платформалар ва кутубхоналарни яратиш, халқаро тадқиқот дастурлари, мукофотлар ва жамғармалар таъсис этиш, энциклопедия тайёрлаш, шунингдек, олимлар, музейлар ва ёшлар ўртасида ҳамкорлик платформаларини шакллантириш таклиф этилган.
“Янги декларация якуний ҳужжат сифатида эмас, балки ислом цивилизациясининг бой маънавий ва интеллектуал меросини асраб-авайлаш ҳамда унинг умуминсоний қадриятларини халқаро миқёсда кенг тарғиб этишга қаратилган узоқ муддатли амалий ҳамкорликнинг бошланғич нуқтаси сифатида баҳоланмоқда”, - дея якунлаган “Russia News”.
Ўзбекистон мусулмонлар идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 