Тошкент ислом институтининг битирувчи босқич талабалари учун пойтахтимиздаги муҳташам Ўзбекистондаги ислом цивилизацияси марказига маърифий саёҳат ташкил этилди.

Талабалар марказнинг бой кутубхонаси, Қуръон зали ва бошқа бўлимларида бўлиб, асрлар оша сақланиб келаётган ноёб қўлёзмалар ҳамда нодир тарихий манбаларни ўз кўзлари билан кўрди. Устозлар А.Ғиёсов, М.Яшнаров ва мутахассис З.Юнусов ҳамроҳлигида ўтган саёҳат давомида ҳар бир экспонатнинг илмий ва маънавий аҳамияти ҳақида қимматли маълумотлар берилди.

Бундай маърифий саёҳатлар бўлажак мутахассисларнинг билим доирасини кенгайтириш билан бирга, уларнинг қалбида миллий ва диний қадриятларимизга бўлган чексиз фахр туйғусини уйғотишга хизмат қилади. 

Тошкент ислом институти
Матбуот хизмати