Рамазон Қуръони карим нозил бўлган, инсон қалбини поклайдиган, нафсини жиловлайдиган, гўзал фазилатларни намоён этадиган ой. Шу боис, бу муборак ойнинг ҳар бир лаҳзасини ғанимат билиб, солиҳ амаллар, тоат-ибодат ва яхшиликлар ила ўтказишимиз лозим. Зеро, Расулуллоҳ соллаллоҳу алайҳи васаллам Имом Байҳақийдан ривоят қилинган ҳадиси шарифда: “У (Рамазон) мўмин учун ғаниматдир”, деб қутлуғ ойдан унумли фойдаланишга чақирганлар.