Сайт тест ҳолатида ишламоқда!
06 Июл, 2026   |   21 Муҳаррам, 1448
search icon
Aввалги сайт
O`Z РУ EN AR

Тошкент шаҳри
Бомдод
03:12
Қуёш
04:56
Пешин
12:29
Аср
17:41
Шом
20:03
Хуфтон
21:43
Bismillah
06 Июл, 2026, 21 Муҳаррам, 1448
Aввалги сайт
#search
 YouTube

Бухоролик имом хатиблар буюк ватандошлари қадамжосини зиёрат қилди

06.10.2020   3662   2 min.
Бухоролик имом хатиблар буюк ватандошлари қадамжосини зиёрат қилди
Бухоро вилоятидаги имом хатиблар учун Самарқанддаги Имом Бухорий халқаро илмий-тадқиқот маркази ва Ҳадис илми мактабига саёҳат уюштирилиб, улар учун ўқув-семинар ташкил этилди.
 
Жамиятда соғлом маънавий муҳитни мустаҳкамлаш, нотинч оилаларда барқарорликка эришиш, ёшларни тўғри йўлга бошлашда жойлардаги имом хатибларнинг алоҳида ўрни бор. Бу борада улар диний билимлар билан бирга ён-атрофда содир бўлаётган воқеа-ҳодисалар, юртимизда барча соҳаларда амалга оширилаётган ислоҳотлар, қонунчиликдаги янгилик ва ўзгаришлардан хабардор бўлиши мақсадга мувофиқ.
 
Бухоролик имом-хатиблар буюк муҳаддис мақбарасини зиёрат қилиб, халқаро марказ ва ҳадис илм мактабида яратилган шароитлар билан танишди, илмий-тадқиқот ишлари ҳақида маълумотларга эга бўлди. 
 
Имом Бухорий халқаро илмий-тадқиқот маркази директори Шовосил Зиёдов меҳмонларга марказнинг ташкил этилиши, мақсад ва вазифалари, халқаро ҳамкорлик ва илмий-тадқиқот йўналишида олиб борилаётган ишлар ҳақида гапириб берди. Шунингдек, айни пайтда халқимизнинг диний ва дунёвий билимларини бойитиш, жамиятда учрайдиган турли иллатларга қарши курашишда имом-хатиблар олдида турган вазифаларга тўхталди. 
 
– Бугунги кунда мамлакатимизнинг барча ҳудудларида диний идоралар вакиллари иштирокида ўқув семинарлар, маънавий-маърифий тадбирлар ташкил этилмоқда, – дейди Вобкент туманидаги “Сариосиё” масжиди имом хатиби Жўрабек Муродов – Бизнинг Самарқандга сафаримиз ҳам фақат саёҳатдан иборат бўлиб қолмай, буюк бобомиз номи билан аталувчи халқаро марказ ва Ҳадис илми мактаби фаолияти билан яқиндан танишиш, шу муқаддас маскан ўқитувчилари, тадқиқотчилари билан ўзаро фикр алмашиш, улар тажрибаларини ўрганиш билан мақсади кўзланган эди.
 
Ўқув-семинарда марказ илмий ходимлари томонидан Имом Абу Мансур Мотуридий, Имом Бухорий ва бошқа буюк алломаларнинг илмий мероси, уларнинг калом ва ҳадис илми ривожига қўшган ҳиссаси, бу илмларнинг бугунги кундаги аҳамияти ҳақида сўз юритилди.
 
ЎзА
Бошқа мақолалар

Саҳоба бўлолмаган тобеъин: Абдураҳмон ибн Усайла раҳимаҳуллоҳ

03.07.2026   12149   1 min.
Саҳоба бўлолмаган тобеъин: Абдураҳмон ибн Усайла раҳимаҳуллоҳ

Улуғ тобеъин Абдуллоҳ ибн Санобиҳий раҳимаҳуллоҳ (асл исмлари Абдураҳмон ибн Усайла)нинг ҳаёти бугунги кун кишиси учун – айниқса, вақтнинг қадри, гўзал хотима ва мақсад сари интилиш борасида улкан ибрат мактабидир.

Абдураҳмон ибн Усайла раҳимаҳуллоҳ Расулуллоҳ соллаллоҳу алайҳи васалламни кўриш, у зотдан бевосита ҳадис эшитиш иштиёқида Ямандан Мадинага қараб йўлга чиқади. Бироқ, Мадинага етиб келганида Расулуллоҳ соллаллоҳу алайҳи васалламнинг вафот этганлари ҳақида хабар топади. Набий алайҳиссалом беш кун олдин вафот этган эдилар. Абдураҳмон ибн Усайла пайғамбаримизни кўра олмай, саҳобалик шарафига 5 кун кечиккани сабабли эриша олмайди...


Бугунги кунда биз “эртага қиламан”, “кейинроқ бошлайман” деб йилларни бой беряпмиз. Смартфонлар ва ижтимоий тармоқлар ичида яшаётган ҳозирги авлод учун ушбу қисса – вақтни тўғри тақсимлаш ва хайрли ишларни кечиктирмаслик учун энг катта огоҳлантиришдир.
 

Маълумот ўрнида: Ямандан Мадинагача бўлган масофа (масалан, пойтахт Сано ёки жанубдаги Адан) йўналишга қараб тахминан 1100-1400 километрни ташкил қилади. Абдураҳмон ибн Усайла раҳимаҳуллоҳ яшаган асрда бу масофа пиёда ёки туяларда, cаҳронинг иссиқ ва хавфли йўллари орқали босиб ўтилган. Туялар карвони кунига ўртача 30-40 км йўл юрган. Демак, Ямандан Мадинага етиб бориш учун ўртача 35-45 кун (тахминан 1,5 ой) вақт талаб этилган.

 

Даврон НУРМУҲАММАД