Сайт тест ҳолатида ишламоқда!
15 Июл, 2025   |   20 Муҳаррам, 1447
search icon
Aввалги сайт
O`Z РУ EN AR

Тошкент шаҳри
Бомдод
03:22
Қуёш
05:03
Пешин
12:34
Аср
17:40
Шом
19:59
Хуфтон
21:32
Bismillah
15 Июл, 2025, 20 Муҳаррам, 1447
Aввалги сайт
#search
 YouTube

Ўзбекистонлик олимнинг мақоласи “Ал-Азҳар” журналида чоп этилди

24.09.2020   1777   1 min.
Ўзбекистонлик олимнинг мақоласи “Ал-Азҳар” журналида чоп этилди
Вазирлар Маҳкамаси ҳузуридаги Имом Бухорий халқаро илмий-тадқиқот маркази бугунги кунда хорижий мамлакатларнинг 30 дан ортиқ нуфузли университет ва илмий-тадқиқот муассасалари билан ҳамкорлик алоқаларини йўлга қўйган.
 
Келишувларда асосан юртимиздан етишиб чиққан улуғ аллома ва мутафаккирлар ҳаёти ва илмий-маънавий меросини тўплаш, уларни чуқур тадқиқ этиш, илмий-амалий конференцияларда иштирок этиш, ёш олимларнинг ўзаро тажриба алмашинувини йўлга қўйиш, муассасалар нашрларида илмий мақолалар билан иштирок этиш масалаларига алоҳида эътибор қаратилмоқда.
 
Ана шу ҳамкорлик самараси ўлароқ, яқинда Имом Бухорий халқаро илмий-тадқиқот маркази директори ўринбосари Отабек Муҳаммадиевнинг “Мотуридийлик мактаби ва аҳли сунна таълимотининг ёйилиши” мавзусидаги илмий мақоласи Мисрнинг “Ал-Азҳар” журналида чоп этилди.
 
photo_2020-09-24_08-05-31 (2).jpg
 
Мазкур журнал ислом оламида муҳим ўрин тутиб келаётган “Ал-азҳар” университетининг илмий нашри ҳисобланади.
 
Мақола Мовароуннаҳрда мотуридийлик таълимотининг шаклланиш тарихига бағишланган бўлиб, унда калом илмининг асосчиси, буюк мутакаллим Имом Абу Мансур Мотуридий ҳаёти ва илмий-маънавий мероси, устоз ва шогирдлари, мотуридийлик таълимотига ҳанафийлик мазҳабининг ғоя ва қарашларига таянган ҳолда асос солинганлиги, мазкур таълимотнинг Мовароуннаҳр ҳудуди ва ундан ташқарида кенг ёйилишида ўзининг беназир ҳиссасини қўшган аждодларимиз ҳаёти ва илмий мероси ҳақида сўз юритилган.
 
Таъкидлаш лозимки, юртимиз ёш олимларининг хорижий нашрларда илмий мақолалар билан иштирок этиши хорижий мамлакатлардаги илм аҳлини аждодларимизнинг бой илмий-маънавий мероси билан яқиндан таништиришда муҳим аҳамият касб этади.
 
ЎзА
Ўзбекистон янгиликлари
Бошқа мақолалар

ЖМЛ Бош котиби Ўзбекистон Ислом цивилизацияси маркази раҳбарини қабул қилди

15.07.2025   1097   1 min.
ЖМЛ Бош котиби Ўзбекистон Ислом цивилизацияси маркази раҳбарини қабул қилди

Саудия Арабистони Подшоҳлигининг етакчи ахборот агентлиги SPA, шунингдек “Al-Jazirah”, “Al-Madina”, “Youm7” каби қатор нашрлари ёзишича, Жаҳон мусулмонлари лигаси Бош котиби, Мусулмон уламолари уюшмаси раиси шайх Муҳаммад бин Абдулкарим Ал-Иса Ўзбекистон Республикаси Вазирлар Маҳкамаси ҳузуридаги Ислом цивилизацияси маркази раҳбари доктор Фирдавс Абдухолиқов билан учрашган. Маккаи Мукаррамада, мазкур халқаро тузилма идорасида бўлиб ўтган мулоқот чоғида Ислом цивилизациясининг тарғиботи, хусусан нотўғри тушунча ва салбий ҳодисаларга қарши туришдаги аҳамияти таъкидланган. 
 

Ф.Абдухолиқов мамлакатимиз номидан ЖМЛнинг ислом оламидаги саъй-ҳаракати, халқаро миқёсдаги обрў-эътиборини эътироф этди. Бирлашган Миллатлар Ташкилоти қароргоҳида ўтказилган Халқаро исломофобияга қарши кураш кунига бағишланган биринчи халқаро тадбирда Бош котиб мусулмон халқлари вакили сифатида қилган маърузасини юқори баҳолади.

Муҳаррама Пирматова, ЎзА

ЖМЛ Бош котиби Ўзбекистон Ислом цивилизацияси маркази раҳбарини қабул қилди