15 Сентябр, 2026, 4 Рабиъус сони, 1448
15 Сентябр, 2026, 4 Рабиъус сони, 1448
03 май куни вилоятимиздаги бир қанча имом-хатиб ва имом-ноиблар тақсимот асосида ҳудудларга Жума ташрифларини ташкил қилишди. Ташрифлар давомида ушбу масжидда Жума намози олдидан жамоатга тезис асосида мазмунли маъруза қилиб бердилар ҳамда намозлардан сўнг, жамоат ҳаққига ва бутун халқимиз тинчлиги, осмонимиз мусаффолигини Аллоҳдан сўраб хайрли дуолар қилдилар. Жумладан, вилоят бош имом-хатиби Зайниддин домла Эшонқулов Тожикистон Республикаси билан чегара ҳудудда жойлашган Булунғур туманидаги “Оломон” жоме масжидига ташриф буюриб, жамоатга “Ота-онага яхшилик – улкан савоб!” мавзусидаги тезис асосида мазмунли маъруза қилиб бердилар ва ушбу жомеда жамоат билан бирга Жума намозини адо қилдилар.
Бундан ташқари, вилоятимиз бўйлаб бошқа чегара ва чегараолди ҳудудларида ҳам Жума ташрифлари амалга оширилди. Жумладан, вилоят бош имом-хатиби ўринбосари Ёқубжон домла Мансуров Ургут туманидаги “Мўлла Шоди бобо” жомесига ташриф буюриб, тезис асосида мазмунли маъруза қилиб бердилар ҳамда жамоат билан бирга Жума намозини адо қилдилар.
Пайариқ тумани “Имом Бухорий” жоме масжиди фахрий имом-хатиби М.Ибодуллаев Ургут туманидаги “Абдуқаҳҳор” жоме масжидига ташриф буюриб, тезис асосида мазмунли маъруза қилиб бердилар ҳамда жамоат билан бирга Жума намозини адо қилдилар.
Шунингдек, Самарқанд шаҳар бош имом-хатиби З.Маҳмудов Тайлоқ туманидаги Тайлоқ туманидаги “Маданият” жоме масжидига ташриф буюриб, Жума тезиси асосида мазмунли маъруза қилиб берди ҳамда намоздан сўнг ушбу жамоат ҳаққига хайрли дуолар қилди.
Самарқанд шаҳар “Хўжа Юсуф” жоме масжиди имом-ноиби М.Бекназаров Булунғур туманида жойлашган “Ниёзмат” жоме масжидига ташриф буюриб, жамоатга тезис асосида мазмунли маъруза қилиб берди ҳамда жамоатга Жума намозини ўқиб бериб, ушбу жамоат ҳаққига хайрли дуолар қилди.
Жомбой тумани “Кўктўнли бобо” жоме масжиди имом-ноиби Ш.Тўраев тумандаги “Иброҳим ота” жоме масжидига ташриф буюриб, жамоатга мазмунли маъруза қилиб берди ҳамда намоздан сўнг хайрли дуолар қилди.
Пайариқ тумани “Олим Шайх” жоме масжиди имом-хатиби А.Алимов тумандаги “Мўлла Тўрахон” жоме масжидига ташриф буюриб, жамоатга мазмунли маъруза қилиб берди ҳамда жамоат билан бирга Жума намозини адо этди.
Пайариқ тумани “Мўлла Тўрахон” жоме масжиди имом-хатиби М.Рустамов тумандаги “Олим Шайх” жоме масжидига ташриф буюриб, жамоатга мазмунли маъруза қилиб берди ҳамда жамоат билан бирга Жума намозини адо этди.
Иштихон тумани “Полвон Ота” жоме масжиди имом-ноиби Э.Абдувоҳидов тумандаги “Эшон Темирхон тўра” жоме масжидига ташриф буюриб, жамоатга мазмунли маъруза қилиб берди ҳамда жамоат билан бирга Жума намозини адо этди.
Самарқанд тумани “Хўжа Абду Берун” жоме масжиди имом-ноиби М.Ҳаққулов тумандаги “Арабхона” жоме масжидига ташриф буюриб, жамоатга мазмунли маъруза қилиб берди ҳамда жамоат билан бирга Жума намозини адо этди.
Нарпай тумани “Тепа” жоме масжиди имом-хатиби С.Каримов тумандаги “Нақшбандий” жоме масжидига ташриф буюриб, жамоатга мазмунли маъруза қилиб берди ҳамда жамоат билан бирга Жума намозини адо этди.
Нуробод тумани бош имом-хатиби Р.Равшанов тумандаги “Жом ота” жоме масжидига ташриф буюриб, жамоатга мазмунли маъруза қилиб берди ҳамда жамоат билан бирга Жума намозини адо этди.
Булунғур тумани “Амир Ҳамза” жоме масжиди имом-ноиби А.Равшанов тумандаги “Пойгатепа” жоме масжидига ташриф буюриб, жамоатга мазмунли маъруза қилиб берди ҳамда жамоат билан бирга Жума намозини адо этди.
Самарқанд вилояти вакиллиги матбуот хизмати
Бугунги жамиятимизда одоб-ахлоқ жиҳатидан оқсоқликлар кўзга ташланмоқда. Салом бериш, ёрдамга муҳтожларни кўрганда кўмаклашиш, ўзидан катталарга ҳурмат кўрсатиш каби қадриятлар камайиб бораётганини ҳеч ким инкор қилмаса керак. Ҳолбуки, ҳар бир ота-она фарзандининг илмли, солиҳ ва етук инсон бўлиб камол топганини кўришни орзу қилади. Бироқ “ҳолва” деган билан оғиз ширин бўлмайди. Яъни қуруқ орзу-ҳаваснинг ўзи кифоя қилмайди. Балки доимий ва тартибли таълим-тарбия ишига киришиш лозим бўлади. Бу борада жамиятдаги инсонларни уч тоифага бўлиш мумкин:
1. Ўзи ҳам амал қилиб, фарзандини ҳам эзгуликка етаклайдиганлар. Бу тутум дунё ва охират саодатини кўзлаган мўминнинг йўли. Тарбияда энг самарали омил ота-онанинг шахсий намунасидир. Болага, аввало, Аллоҳни танитиш ва солиҳ амаллар билан ўрнак бўлиш лозим. Қуръони каримда таъкидланганидек, иймон келтириб, эзгу амал қилганларга дунёда покиза ҳаёт, охиратда эса абадий жаннат башорати берилган (Наҳл сураси, 97-оят).
2. Ўзи амал қилмай, фарзанди тарбиясига мол-дунё сарфлайдиганлар. Унутманг, пул ҳамма нарсани ҳал қилмайди. Ота-онанинг ўзи диний ва ахлоқий мажбуриятларни бажармаса, панд-насиҳатлари фарзандга таъсир қилмайди. Оилавий муҳитда ота таъминотга, она тарбияга масъул бўлиб, ўзаро ҳурмат ва ҳамжиҳатлик бўлиши шарт.
Шунингдек, ота-оналарнинг беҳуда ишлар, масалан, телефонга кўп боғланиб қолиши тарбиядаги энг катта бўшлиқни юзага келтиради. Фарзанд камолоти учун унинг вақтини тўғри тақсимлаш, уйқу ва дарс тартибини доимий назоратда тутиш, тартибни ушлаш лозим. Энг муҳими, хулқ илмдан устун туради: хулқсиз берилган илм инсонни залолатга етаклайди, шу боис фарзандга гўзал ахлоқий тарбия бериб, сўнг илм билан зийнатлаш керак.
3. Ўзи ҳам амал қилмай, фарзандини ҳам бунга чақирмайдиганлар. Бу тоифанинг оқибати хатарлидир. Аллоҳ таоло Тоҳа сурасида бундай марҳамат қилади: “Ким Менинг зикримдан юз ўгирса, албатта, унинг учун танг ҳаёт бўлур...” (124-оят). Мана шу оятнинг ўзиёқ кишини сергак торттириб, бу тоифадан бўлиб қолмасликка ундаши лозим.
Хулоса шуки, фарзанд қалби ва руҳияти илдиз отиши керак бўлган дарахт кўчати кабидир. Унинг илдизини иймон ва тақво мустаҳкамлайди. Шундай экан, ким фарзандлари камолини кўришни истаса, амали ва эътиборини билан шунга ҳаракат қилсин. Аллоҳ таоло барчамизни тўғри йўлда бардавом қилиб, зурриётларимиз камолини кўрсатсин.
Азиза РАҲМАТОВА,
Самарқанд тумани бош отинойиси
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 