02 Сентябр, 2026, 20 Рабиъул аввал, 1448
02 Сентябр, 2026, 20 Рабиъул аввал, 1448
Бутун дунёда бўлгани каби мамлакатимиздаги олий таълим муассасаларида ҳам замонавий таълим-тарбия усуллари тобора ривожланиб бормоқда, хусусан, назария билан амалиётни уйғун ҳолда олиб бориш вақт синовидан ўтган услуб саналади.
Айни мақсадда бугун, 6 июнь куни Ўзбекистон халқаро ислом академиясининг биринчи курс талабалари Ўзбекистон мусулмонлари идорасига келиб, унинг фаолияти билан яқиндан танишди.
Дастлаб Диний идора раисининг ўринбосари Зайниддин домла Эшонқулов талаба-ёшлар билан самимий суҳбат қурди. Унда “Ҳазрати Имом” мажмуаси ва Ўзбекистон мусулмонлари идораси фаолияти ҳақида маълумот берилди.
Зайниддин домла ўз сўзи давомида Таълим, фан ва маданият масалалари бўйича Ислом ташкилоти – АЙСЕСКО (ISESCO) томонидан Тошкент шаҳри “Ислом маданияти пойтахти” деб эълон қилингани муносабати билан "Ҳазрати Имом" мажмуаси замонавий қилиб янгидан барпо этилгани, яқинда мамлакатимизда бўлган ICESCO бош директори Салим ал-Малик Ўзбекистон мусулмонлари идорасига ташрифи чоғида 2025 йилда Самарқанд шаҳри Ислом маданияти пойтахти деган юксак мақомга эга бўлгани ҳақидаги хушхабарни етказди.
Шунингдек, “Дунёда илмдан бошқа нажот йўқ ва бўлмагай” деган ҳикматли сўзни айтиб, талаба-ёшлар ҳаққига доимо ўқиб-ўрганишдан толмасликларини сўраб хайрли дуолар қилдилар.
Танишув асносида Диний идора мутахассислари томонидан талаба-ёшларга ҳар бир бўлим фаолияти ҳақида батафсил маълумот берилди.
Ўзбекистон мусулмонлари идораси
Матбуот хизмати
Жорий йилнинг 2–3 сентябрь кунлари Қоҳира шаҳрида Бутунжаҳон фатво идоралари ва ҳайъатлари Бош котибияти ташаббуси билан нуфузли халқаро анжуман бўлиб ўтади.
Мазкур тадбирда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчилигидаги мамлакатимиз делегацияси иштирок этади. Маълумки, жорий йил июль ойида Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Бутунжаҳон Фатво идоралари ва ҳайъатлари Бош котибияти аъзолигига қабул қилинган эдилар.
Халқаро йиғинда дунёнинг таниқли муфтийлари, фатво ва фиқҳ марказлари уламолари, халқаро ташкилотлар вакиллари, Ал-Азҳар дорулфунуни каби нуфузли олийгоҳлар профессорлари ҳамда соҳа мутахассислари жам бўлади.
Кун тартибида сунъий интеллект, жадал рақамлаштириш ва замонавий биоэтика замонида оила институти мустаҳкамлигини таъминлаш, аёллар ҳуқуқларини муҳофаза қилиш, ёшларни зарарли иллатлардан асраш ҳамда маънавий инқирозларга исломий қадриятлар асосида шаръий ва илмий ечимлар топиш масалалари атрофлича муҳокама қилинади.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 