15 Сентябр, 2026, 4 Рабиъус сони, 1448
15 Сентябр, 2026, 4 Рабиъус сони, 1448
Бутун дунёда бўлгани каби мамлакатимиздаги олий таълим муассасаларида ҳам замонавий таълим-тарбия усуллари тобора ривожланиб бормоқда, хусусан, назария билан амалиётни уйғун ҳолда олиб бориш вақт синовидан ўтган услуб саналади.
Айни мақсадда бугун, 6 июнь куни Ўзбекистон халқаро ислом академиясининг биринчи курс талабалари Ўзбекистон мусулмонлари идорасига келиб, унинг фаолияти билан яқиндан танишди.
Дастлаб Диний идора раисининг ўринбосари Зайниддин домла Эшонқулов талаба-ёшлар билан самимий суҳбат қурди. Унда “Ҳазрати Имом” мажмуаси ва Ўзбекистон мусулмонлари идораси фаолияти ҳақида маълумот берилди.
Зайниддин домла ўз сўзи давомида Таълим, фан ва маданият масалалари бўйича Ислом ташкилоти – АЙСЕСКО (ISESCO) томонидан Тошкент шаҳри “Ислом маданияти пойтахти” деб эълон қилингани муносабати билан "Ҳазрати Имом" мажмуаси замонавий қилиб янгидан барпо этилгани, яқинда мамлакатимизда бўлган ICESCO бош директори Салим ал-Малик Ўзбекистон мусулмонлари идорасига ташрифи чоғида 2025 йилда Самарқанд шаҳри Ислом маданияти пойтахти деган юксак мақомга эга бўлгани ҳақидаги хушхабарни етказди.
Шунингдек, “Дунёда илмдан бошқа нажот йўқ ва бўлмагай” деган ҳикматли сўзни айтиб, талаба-ёшлар ҳаққига доимо ўқиб-ўрганишдан толмасликларини сўраб хайрли дуолар қилдилар.
Танишув асносида Диний идора мутахассислари томонидан талаба-ёшларга ҳар бир бўлим фаолияти ҳақида батафсил маълумот берилди.
Ўзбекистон мусулмонлари идораси
Матбуот хизмати
#xabar #seminar #imom #malaka
Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг ташаббуслари билан диний соҳа ходимларининг касбий салоҳиятини ошириш ва иш самарадорлигини юксалтириш мақсадида тизимли чора-тадбирлар амалга оширилмоқда.
Шу мақсадда 8–9 сентябрь кунлари Диний идоранинг Масжидлар билан ишлаш ҳамда Кадрлар бўлимлари ҳамкорлигида республикамиз бўйича янги лавозимга тайинланган 55 нафар имом-хатиб ва имом ноиблари учун икки кунлик ўқув-семинари ўтказилди.
Машғулотлар давомида Ўзбекистон мусулмонлари идораси раисининг биринчи ўринбосари Ҳомиджон домла Ишматбеков, Масжидлар билан ишлаш бўлими мудири Музаффар Камолов, Қуръони карим ва тажвидни ўргатиш бўлими мудири Шайх Алижон қори, шунингдек, Фатво маркази, Кадрлар билан ишлаш, Ички назорат бўлими мутасаддилари ўз йўналишлари бўйича маъруза қилдилар.
Хусусан, соҳа мутасаддилари томонидан муваффақиятли имом бўлиш омиллари, гўзал қироат ва тажвид қоидалари, шаръий масалаларга тўғри ёндашиш, фаолият самарадорлигини баҳолаш (KPI), қонун-қоидаларга қатъий риоя этиш, меҳнат муносабатлари ҳамда жамоат билан ишлаш кўникмалари юзасидан зарур амалий тушунтириш ва тавсиялар берилди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 