Саудия Арабистони Қизил ярим ой жамияти юрак хуружига учраган онасининг ҳаётини сақлаб қолган Aсир шаҳрида яшовчи 12 ёшли болани мукофотлади, деб хабар берди “Gulf News” матбуот хизмати.
Aёл ҳушини йўқотгач, Aбдуссалам ал-Aҳмарий тез ёрдам чақириб, онаси нафас олишни тўхтатгани ҳақида хабар берган. Шифокорлар боладан манзилини сўрашган ва юрак-ўпкани қайта жонлантиришни ўргатишган. Бола шифокорлар маслаҳати билан тез ёрдам келгунгача сунъий нафас олиш ва юрак массажини ўтказди. Натижада у вазифани аъло даражада бажариб, онасини ўлимдан сақлаб қолишга сабабчи бўлди.
Воқеа жойига етиб келган шифокорлар юрак хуружига учраган аёлнинг юрагини қайта ишга туширишга муваффақ бўлишди. Ҳозир у касалхонада даволанмоқда.
Ўзбекистон мусулмонлари идораси
Матбуот хизмати
Анъанавий дипломатия кўпинча манфаатлар мувозанати, музокара ва битимлар тилида сўзлайди. Маданий дипломатия санъат, адабиёт ва тарих орқали мамлакат ҳақида ижобий
тасаввур уйғотади. Диний-маърифий дипломатия эса янада нозик омилга — инсоннинг эътиқоди, у муқаддас деб билган қадриятлар ва тарихий хотирасига таянади.
Ўзбекистоннинг таҳлиллар туфайли кўзга ташланаётган бу янги модели исломни зўравонлик билан тенглаштирувчи ташқи стереотипларга илмий далил билан жавоб бериши, бузғунчи талқинларга қарши маърифий майдон яратиши, турли дин ва маданият вакилларини инсон қадри, билим, виждон эркинлиги, тинчлик ва масъулият атрофида бирлаштириши мумкин.
Шавкат Мирзиёев мазкур сиёсатнинг ғоявий ташаббускори. Президент илгари сураётган "Жаҳолатга қарши маърифат" ғоясининг асосий тамойиллари БМТнинг "Маърифат ва диний бағрикенглик" резолюциясида халқаро даражадаги сиёсий-ҳуқуқий ифодасини топди. Бу ёндашув терроризм ва экстремизмнинг оқибатларига эмас, уларни озиқлантирадиган барча омилларга қарши курашишни назарда тутади.
Президент "диний-маърифий дипломатия" институтининг бунёдкори сифатида ўртага чиқди. Унинг ташаббуси билан Ислом цивилизацияси маркази ва бошқа илмий муассасаларнинг ташкил этилиши, тарихий мажмуаларнинг қайта тикланиши, қўлёзмалар ва илмий мактабларга эътибор янгича интеллектуал инфратузилмани шакллантирди
Шунда Ўзбекистоннинг диний-маърифий дипломатияси дунёнинг бугунги муаммоларига холис ечим таклиф этадиган омилга айланмоқда.
Ҳабибулло Садибақосев ,
Ўзбекистон халқаро исломшунослик академияси биринчи проректори, сиёсий фанлар доктори, профессор
Манба: "Янги Ўзбекистон" газетаси