17 Сентябр, 2026, 6 Рабиъус сони, 1448
17 Сентябр, 2026, 6 Рабиъус сони, 1448
Маълумки, Қуръони Карим Аллоҳ таолонинг Каломидир! Уни ўрганиш ва ўргатишнинг фазилати ҳақида ҳадислар ворид бўлган. Усмон розияллоҳу анҳудан ривоят қилинади. Расулуллоҳ соллаллоҳу алайҳи васаллам дедилар: “Сизларнинг энг яхшиларингиз Қуръонни ўрганиб, уни бошқаларга ўргатганингиздир” (Имом Бухорий ривояти).
Халқимизнинг Қуръонни ўрганишида ва бошқаларга ўргатишида узоқ йиллардан бери ҳар биримизга таниш бўлган "Муаллими соний" китоби бошланғич қўлланма бўлиб келган ва келмоқда.
Юртимиз фарзанди, Мисрдаги Ал-Азҳар университетида таҳсил олган, ўн қироат бўйича ижоза соҳиби Шайх Алижон қори ҳафизаҳуллоҳ томонидан мазкур "Муаллими соний" китоби асосида видео қўлланма тайёрланди. 27 йиллик меҳнат ва изланишлар маҳсули бўлган ушбу қўлланма орқали биз Қуръони Карим ҳарфларини талаффуз қилиш, сўзларни бир-бирига улаш, Қуръони Каримдан қисқа сураларнинг тиловати каби кўплаб илмларни, иншаа Аллоҳ, ўрганиб оламиз.
Шу кунларда юртимизда коронавирус тарқалишининг олдини олиш мақсадида карантин эълон қилинган бўлиб, барчамиз уйда, фарзандларимиз ёнидамиз. Фурсатдан фойдаланиб, Ўзбекистон Мусулмонлари идорасининг расмий Muslim.uz сайти орқали "Муаллими соний" видео қўлланмасининг бошидан дарслар бериб бориш йўлга қўйилди.
Ушбу дарслик фарзанд тарбияси, Қуръон таълими билан машғул бўлган ота-оналар ва барча Қуръонсевар халқимизга манфаатли бўлишини Аллоҳ таолодан сўраб қоламиз.
Саудия Арабистони пойтахтида “WTM Spotlight Riyadh 2026” халқаро туристик кўргазмаси бўлиб ўтди. Унда Ўзбекистон туризм индустрияси вакиллари иштирок этди, деб хабар бермоқда “Дунё” АА.
Мамлакатимиз туристик салоҳиятини «Asialuxe Travel», «Zamin DMC» ва «Bazar Travel» компаниялари намойиш этди. Улар кўргазманинг ишбилармонлик дастурида фаол иштирок этиб, Саудия Арабистони ҳамда бошқа хорижий давлатлар туризм соҳаси вакиллари билан бир қатор самарали учрашувлар ўтказдилар.
“WTM Spotlight Riyadh” Саудия Арабистони туризм бозорининг халқаро ҳамкорлар билан ўзаро алоқалари учун асосий профессионал майдонлардан бирига айланди. Кўргазма туроператорлик бизнеси, қабул қилувчи компаниялар, меҳмонхона сектори, авиация тармоғи, туристик технологиялар ва индустриянинг бошқа йўналишлари вакилларини бирлаштирди. Тадбирда минтақавий ва халқаро ташриф буюрувчилар, 450 дан ортиқ экспонентлар ҳамда 30 дан ортиқ мамлакат вакиллари қатнашди.
Уч кун давомида ўзбекистонлик компаниялар вакиллари саудиялик туроператорлар, туристик агентликлар ва бозорнинг бошқа иштирокчилари билан музокаралар ўтказдилар. Мулоқотларда шериклик дастурларини ривожлантириш, Саудия Арабистонидан Ўзбекистонга сайёҳлар оқимини ошириш ҳамда янги қўшма туристик маҳсулотларни шакллантириш имкониятлари муҳокама қилинди.
Ўзбекистонни маданий-маърифий, оилавий, премиум ва индивидуал туризм учун жозибадор йўналиш сифатида тарғиб қилишга алоҳида эътибор қаратилди. Саудиялик ҳамкорларга Самарқанд, Бухоро, Хива, Тошкент ва мамлакатимизнинг бошқа ҳудудларининг туристик имкониятлари, Буюк ипак йўлининг тарихий мероси, замонавий меҳмонхона инфратузилмаси, миллий таомлар ҳамда индивидуал ва гуруҳли туристик дастурларни ташкил этиш имкониятлари намойиш этилди.
Ўзбекистон туризм тармоғи вакиллари, шунингдек, саудиялик ҳамкорлар билан сайёҳларни кутиб олишни ташкил этиш, Кўрфаз мамлакатларидан келувчи саёҳатчиларнинг афзалликларини ҳисобга олган ҳолда ихтисослаштирилган йўналишларни ишлаб чиқиш ҳамда Саудия Арабистони бозорида Ўзбекистоннинг туристик салоҳиятини янада тарғиб қилиш масалаларини муҳокама қилдилар.
Ўзбек туристик компанияларининг “WTM Spotlight Riyadh 2026” кўргазмасидаги иштироки подшоҳлик туристик бизнеси вакиллари билан бевосита алоқаларни кенгайтириш ва ҳамкорликнинг янги йўналишларини излаш учун қўшимча имконият бўлди.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 