15 Май, 2025, 17 Зулқаъда, 1446
15 Май, 2025, 17 Зулқаъда, 1446
Аллоҳ таолога беҳисоб шукрки, ҳар йили Рамазони шариф кириб келиши билан юртимиз масжидлари хатми Қуръон садолари ила бурканади. Йилдан-йилга масжидларимизда хатми Қуръонлар зиёда бўлиб, тартиб ва ўзгача тароватда ўтмоқда.
Бу йили Республикамиз бўйича 1220 масжидда таровиҳ намозларида Аллоҳнинг каломи бошдан охир ўқилиб, хатми Қуръон қилинади. Уларда жами 2038 нафар қориларимиз иштирок этади.
Жараён шуни кўрсатмоқдаки, йилдан-йилга диёримизда Қуръон ҳофизлари кўпайиб бормоқда. Маълумот учун, ўтган 2018 йилда 1149 масжидда хатми Қуръон ўтказилган бўлиб, уларда 1860 нафар қори қатнашган эди.
Шунингдек, ҳар йилгидек хорижий давлатларнинг таклифларига биноан қориларимиз хатми Қуръонларда иштирок этадилар. Бу шубҳасиз, Яратган Роббимизнинг халқимизга берган энг улуғ инъомидир.
Хатми Қуръонларга марҳабо!
Ўзбекистон мусулмонлари идораси Матбуот хизмати
Бугун, 15 май куни Мир Араб олий мадрасасида "Ислом маърифати — ахлоқий ва маънавий баркамоллик асоси" мавзусида республика анжумани бўлиб ўтди.
Илмий-амалий анжуманда Ўзбекистон мусулмонлари идораси раиси ўринбосари Муҳаммадолим Муҳаммадсиддиқов, Мир Араб олий мадрасаси ректори Жобир домла Элов, диний таълим муассасалари, шунингдек, Бухоро давлат педагогика институти, Менежмент ва замонавий технологиялар университети раҳбар ва профессор ўқитувчилари иштирок этди.
Анжуманда бевосита ва масофавий тарзда қатнашган нотиқлар мавзу юзасидан чиқишлар қилиш баробарида муҳим таклиф ва тавсияларни илгари сурдилар.
Mirarab.uz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 