Шу йил ноябрь ойида Ватикан Aбу-Дабида диний етакчилар билан “Тинчлик учун учрашув” форумини ташкил этишни режалаштирмоқда. Бу ҳақда Рим папаси “Vida Nueva” ҳафталигига берган интервюсида маълум қилди.
IQNA сайтининг “Islam today” матбуот хизматига таяниб хабар беришича, “Ноябр ойида БМТнинг Дубайдаги иқлим саммити олдидан Aбу Дабида диний етакчилар билан тинчлик бўйича йиғилиш бўлиб ўтади”, – деди Рим папаси Франсиск.
Эслатиб ўтамиз, 2019 йилнинг февраль ойида Франсиск Aрабистон ярим оролига келди. Бу тарихий ташриф деб аталди. Унинг доирасида динлараро мулоқотни ривожлантиришга оид ҳужжат имзоланди.
Ўзбекистон мусулмонлари идораси
Матбуот хизмати
Ўзбекистон мусулмонлари идораси тасарруфидаги олий ва ўрта махсус диний таълим муассасаларига 2026-2027 ўқув йили учун кириш тест синовларининг 5-ҳудуд (Бухоро вилояти) бўйича имтиҳон жараёнлари Мир Араб олий мадрасаси биносида бўлиб ўтди.
Мазкур ҳудуд бўйича диний таълим муассасаларига ҳужжат топширган 657 нафар абитуриент тест синовларида иштирок этди.
Имтиҳонларнинг шаффофлиги, адолатлилиги ҳамда тартиб-интизомини таъминлаш мақсадида жараёнларга Дин ишлари бўйича қўмита ва Ўзбекистон мусулмонлари идораси масъул раҳбарлари, диний таълим муассасалари мутасаддилари, педагог-ўқитувчилар ҳамда ички ишлар ва тиббиёт ходимлари жалб этилди.
Тест синовлари бошланишидан олдин абитуриентларга имтиҳон топшириш тартиби ва баҳолаш мезонлари батафсил тушунтирилди. Барча жараёнлар белгиланган талаб ва қоидаларга мувофиқ, юқори даражада ташкил этилди.
Ташкилотчилар тест жараёнларининг шаффоф ва тартибли ўтишига яқиндан кўмаклашган Бухоро шаҳар ички ишлар органи, соғлиқни сақлаш бошқармаси тиббиёт ходимлари ҳамда диний таълим муассасалари вакилларига ўз миннатдорлигини билдирдилар.
Ўзбекистон мусулмонлари идораси
Матбуот хизмати