08 Апрел, 2025, 10 Шаввол, 1446
08 Апрел, 2025, 10 Шаввол, 1446
Бугун, 20 декабрь куни Ўзбекистон мусулмонлари идорасида ҳар йили анъанавий тарзда ўтказилиб келинаётган "Энг маърифатли имом – 2018" кўрик танловининг республика босқичи ўтказилди. Унда танловнинг Қорақалпоғистон Республикаси, Тошкент шаҳри ва вилоятлар босқичида биринчи ўринни эгаллаган 14 нафар имом-хатиб беллашдилар.
Тадбирда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Ўзбекистон мусулмонлари идораси раҳбар ходимлари, уламолар, имом-хатиблар ва оммавий ахборот воситаси ходимлари иштирок этди.
Йиғилган баллар бўйича ғолиблар аниқланди.
1 ўрин: Фарғона вилояти Марғилон шаҳридаги «Худоёрҳожи» жоме масжиди имом-ноиби Абдувоҳид Аҳмадалиев. Унга Ўзбекистон мусулмонлари идорасининг биринчи даражали дипломи ва "Вақф" хайрия жамоат фонди томонидан тақдим этилган ноутбук ва 3.000.000 сўм пул мукофоти топширилди.
2 ўрин: Тошкент шаҳар Юнусобод туманидаги «Кулолқўрғон» жоме масжиди имом-хатиби Яҳёхон Абдураҳмонов. Унга Ўзбекистон мусулмонлари идорасининг иккинчи даражали дипломи ва "Вақф" хайрия жамоат фонди томонидан тақдим этилган LCD 42 телевизор ва 2.500.000 сўм пул мукофоти топширилди.
3 ўрин: Тошкент вилояти Қибрай туманидаги «Саъдулло ота» жоме масжиди имом-хатиби Обиджон Мирҳамидов . Унга Ўзбекистон мусулмонлари идорасининг учинчи даражали дипломи ва "Вақф" хайрия жамоат фонди томонидан тақдим этилган микро тўлқинли печ ва 2.000.000 сўм пул мукофоти топширилди.
Бундан ташқари, бир қанча номинациялар бўйича ҳам ғолиблар номи эълон қилинди.
"Энг кўп обуна уюштирган имом" номинацияси бўйича Самарқанд вилояти Пастдарғом туманидаги "Нурул Ислом" жоме масжиди имоми Озод Назаров;
"Энг кўп мақола чоп этган имом" номинацияси бўйича Қашқадарё вилояти Касби туманидаги "Фазли" жоме масжиди имоми Азамат Усмонов;
"Энг обод масжид" номинацияси бўйича Урганч шаҳридаги "Охун бобо" жоме масжиди;
"Энг инновацион ёндашув" номинацияси бўйича Самарқанд вилояти Қўшработ туманидаги "Домло Омонулло" Ғанижон Абиев ва Андижон вилояти Олтинкўл туманидаги "Далварзин" жоме масжиди имоми Искандар Ортиқов тақдирландилар.
Ўзбекистон мусулмонлари идораси Матбуот хизмати
Бисмиллаҳир Роҳманир Роҳийм
Бир донишманддан:
— Агар ҳаётингизни қайтадан бошлаш имкони берилганида қайси хатоларингизни қилмаган бўлардингиз? — деб сўрашибди.
Донишманд шундай жавоб қилибди:
— Агар шундай имкон берилса, ўтмиш хатоларимни яна қилган бўлардим. Негаки, менинг шу даражага келишим мана шу хатоларим ва шу хатолар ортидан чиқарган хулосаларим эвазигадир.
Донишмандга берилган саволни бугунги ҳаётимизда бир-биримизга кўп берамиз. Аслида бу нарсанинг амалга ошмаслигини яхши билсак-да, ўзимизча: “Фалон-фалон ишларни қилмаган бўлардим. Фалон ишларни эса қилган бўлардим. Шунда омадим юришиб, ҳозирги ҳолатимдан анча юқори даражага эришардим”, деймиз. Аммо бир нарсани унутмаслигимиз керакки, инсон учун дунёдаги энг қиммат нарса, бу – ҳаётий тажриба. Ҳаётий тажриба эса хатолар, қийинчилик ва машаққатлар, деворга урилган бошлар ортидан қўлга киритилади. Унутилиб кетган қадим туркий удумга кўра, катталар юмшоқ салла билан, атак-чечак қилиб, юришга тиришаётган гўдакнинг оёғини беозоргина чалишади.
Бунинг маъноси: Бола ҳозирдан йиқилишни билсин! Агар йиқилишни билса, туришни ўрганади! Эл-юртининг, қавмининг қалқони бўлиши керак бўлган ўғлон шундай тарбия топса, келажакда ҳаёт зарбаларига ҳам сабот билан туриб беролади!
Биз болаларимизни: “Хато қилма, ўзингни авайла, уни қилма-буни қилма”, деб кўп тергаймиз. Мактабда барча фандан аъло баҳоларга ўқишини истаймиз. Йиқилиб тушишидан қўрқиб, югуришига қўймаймиз-у, лекин танаси бақувват бўлишини хоҳлаймиз. Унутмаслигимиз лозимки, биз фахрланадиган аждодларимиз минглаб қоқилишлар, қийинчилик-машаққатлардан ўтиб, комилликка эришганлар. Улар ўзларидан дунёни титратувчи асарлар ва муаззам давлатлар қолдиришган.
Тўйчиев Билолхон,
Ҳадис илми мактаби ходими.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа