18 Июл, 2026, 4 Сафар, 1448
18 Июл, 2026, 4 Сафар, 1448
Ҳадис илми мактабига 2018-2019 ўқув йили учун ҳужжатлар қабул муддати 15 ноябрдан 20 ноябрга қадар узайтирилди. Эслатиб ўтамиз, Ҳадис илми мактаби Ўзбекистон мусулмонлари идораси тасарруфидаги олий диний таълим муассасаси ҳисобланади. Мактабда ўқиш муддати 5 йил бўлиб, кундузги таълим шаклида олиб борилади. Мактабда “Ҳадисшунослик” таълим йўналиши бўйича бакалавр даражасидаги кадрлар тайёрланади.
Мактабга 2018/2019 ўқув йилида 10 та талаба қабул қилинади. Мактабга араб тилини пухта ўзлаштирган, ҳадисларни ёд олишга салоҳияти бўлган ўрта махсус диний таълим муассасаларининг иқтидорли битирувчилари танлов асосида саралаб олинади.
Абитуриентлар қабул ҳайъатига қуйидаги ҳужжатларни тақдим этади:
- Қабул ҳайъати раиси номига ариза;
- ўрта махсус ислом билим юртини тугатганлиги ҳақида ҳужжатнинг (диплом) асл нусхаси;
- 086-У-шаклидаги тиббий маълумотнома;
- паспорт нусхаси (асли кўрсатилади);
- 6 дона рангли фотосурат (3,5 х 4,5 ҳажмдаги);
- яшаш жойидаги масжид имом-хатибидан тавсиянома;
- ҳарбий хизматга алоқадорлиги ҳақида ҳужжат (асли).
Ҳужжатлар Имом Бухорий номидаги Тошкент ислом институти биносида қабул қилинади.
Манзил: Тошкент шаҳри, Олмазор тумани, Зарқайнар кўчаси 18-берк кўчаси 47-уй. Мурожат учун телефон: (71) 227-42-37. Телеграм манзили: @hadis1440.
Кувайтнинг “Q8 Press” нашрида I Халқаро ислом цивилизацияси форуми якунларига бағишланган мақола эълон қилинди, деб хабар бермоқда “Дунё” АА мухбири.
Нашрда қайд этилишича, форум ислом цивилизацияси меросини ўрганиш, асраб-авайлаш ва тарғиб қилиш соҳасида халқаро ҳамкорликни янги босқичга олиб чиқадиган муҳим тадбирга айланган. Унинг асосий натижаси сифатида мазкур йўналишдаги глобал ҳамкорликни мустаҳкамлашга қаратилган, ўнта халқаро ташаббусни қамраб олган Тошкент декларациясининг қабул қилингани бўлди.
Ушбу декларация доирасида халқаро ташкилотлар, илмий муассасалар, музейлар, кутубхоналар ва тадқиқот марказларини бирлаштирувчи Жаҳон ислом цивилизацияси альянсини ташкил этиш назарда тутилган.
Шунингдек, ислом цивилизацияси меросининг жаҳон рақамли реестри ва кутубхонасини яратиш, халқаро мукофот, жамғарма, энциклопедия ҳамда музейлар уюшмасини таъсис этиш режалаштирилган. Бундан ташқари, 2030 йилгача мўлжалланган қўшма “Йўл харитаси”ни ишлаб чиқиш ҳам декларациянинг муҳим ташаббусларидан бири сифатида белгиланган.
“Q8 Press” нашрининг ёзишича, анжуманда илгари сурилган ташаббуслар шерикликни ривожлантириш, тарихий-маданий меросни асраб-авайлаш, тинчлик, ўзаро ҳурмат ва маданиятлараро мулоқот қадриятларини мустаҳкамлашга хизмат қилади.
Ўзбекистон мусулмонлар идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 