Бугун, 25 октябрь куни соат 15:00да Ўзбекистон Миллий матбуот марказида Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита томонидан “Ҳаж ва Умра сафари тўғрисида” оммавий-ахборот воситалари учун брифинг ўтказилаётгани ҳақида маълумот берган эдик.
Брифингда айтилганидек куз мавсумидаги Умра зиёратининг дастлабки рейси жорий йилнинг 28 октябрь куни амалга оширилади.
Маълумот учун, Жамоатчилик кенгаши томонидан Умра сафарига бормоқчи бўлган ҳар-бир фуқаро учун тўланадиган маблағ қиймати 5 804 000 сўм (бориш-келиш авиачиптасидан ташқари) миқдорда арзон бўлишига эришилди. (Тошкент – Жидда – Тошкент авиачиптаси нархи 5 096 000 сўм).
Боғот туманида янгидан қуриб битказилган "Мирҳошим бобо" жоме масжидининг очилиш маросими ўтказилди. Унда Хоразм вилояти бош имом-хатиби Хайрулла домла Абдуллаев, Боғот тумани бош имом-хатиби Рашидбек домла Эрназаров, мутасаддилар, маҳалла аҳли жам бўлишди.
Қуръони карим тиловатидан сўнг бу масжиднинг то қиёматгача Аллоҳ таолога ибодат қилинадиган, таровеҳлар, хатми Қуръонлар, зикру тасбеҳлар қилинадиган саждагоҳ бўлишини, янги масжид халқимиз эътиқоди, маърифатини мустаҳкамлашда ҳидоят ва зиё маскани бўлиб кўп йиллар хизмат қилишини сўраб, бу хайрли ишда кўмакчи бўлган барча эзгу ниятли кишилар ҳақларига дуолар қилинди.
Очилиш маросимидан сўнг янги масжидда илк жума намози адо этилди.
Жума намозидан олдин жомега йиғилган жамоатга “Рамазон – эзгулик ва яхшилик ойи” мавзусида суҳбат қилиб берилди.
Гўзал суҳбат охирида Хайрулла домла Ҳақ таоло барчага икки дунё саодатини насиб қилишини сўраб, элу юртимиз ҳаққига хайрли дуолар қилди.
Zamaxshariy.uz