Пайғамбаримиз соллаллоҳу алайҳи васалламнинг муборак равзаларини зиёрат қилаётган кишининг димоғига жуда ёқимли ҳид урилди. У зиёратдан чиқиб дўконга борди ва атторга: «Менга муборак равзада димоғимга урилган атирдан беринг», деди. Сотувчи ҳайрон бўлиб, харидорга қаради ва: «Сиз Пайғамбаримиз соллаллоҳу алайҳи васалламни яхши танимас экансиз. Димоғингизга урилган ҳид бирор дўконда сотиладиган атир ҳиди эмас. У ҳид Расулуллоҳ соллаллоҳу алайҳи васалламнинг қабрларидан чиқади. Аллоҳ таоло ўша ҳидни оламларга раҳмат қилиб юборган Пайғамбарининг муборак баданидан тараладиган қилиб қўйган. Ҳаётлик чоғларида қайси кўчадан ўтсалар, ўша кўчада ҳидлари қолар, кимнинг бошини силасалар, ўша кишининг бошидан анча вақтгача ўша ифор таралиб турарди. Мана, вафотларига неча асрлар бўлганига қарамай, ўша ҳид қабрларидан таралиб турибди» деб жавоб берди.
Аллоҳумма солли ва саллим ва баарик ала Муҳаммад ва ала олиҳи ва асҳабиҳи ажмаъийн.
Нозимжон Иминжонов тайёрлади.
ЎМИ матбуот хизмати
Жорий йилнинг 17 январь куни Жўйбори Калон аёл-қизлар ислом таълим муассасасида Бухоро вилояти бош имом-хатиби ўринбосари Ориф домла Амонов, хотин-қизлар масалалари бўйича ёрдамчи Ризвон Бахромова ҳамда масъуллар иштирокида учрашув ўтказилди.
Учрашувда талабаларнинг таълим жараёни ва яшаш шароитлари кўздан кечирилиб, уларнинг ижтимоий-маънавий эҳтиёжлари муҳокама қилинди. Шунингдек, талабалар билим ва салоҳиятини янада ривожлантириш масалалари юзасидан таклифлар билдирилди.
Ҳомийлар кўмагида муассасанинг айрим моддий эҳтиёжларини қоплаш бўйича келишувга эришилди. Тадбир талабаларни қўллаб-қувватлашга қаратилган муҳим қадам сифатида баҳоланди.
Ўзбекистон мусулмонлари идораси
Бухоро вилояти вакиллиги
Матбуот хизмати