Ҳидингиздан… Ҳабибим
Пайғамбаримиз соллаллоҳу алайҳи васалламнинг муборак равзаларини зиёрат қилаётган кишининг димоғига жуда ёқимли ҳид урилди. У зиёратдан чиқиб дўконга борди ва атторга: «Менга муборак равзада димоғимга урилган атирдан беринг», деди. Сотувчи ҳайрон бўлиб, харидорга қаради ва: «Сиз Пайғамбаримиз соллаллоҳу алайҳи васалламни яхши танимас экансиз. Димоғингизга урилган ҳид бирор дўконда сотиладиган атир ҳиди эмас. У ҳид Расулуллоҳ соллаллоҳу алайҳи васалламнинг қабрларидан чиқади. Аллоҳ таоло ўша ҳидни оламларга раҳмат қилиб юборган Пайғамбарининг муборак баданидан тараладиган қилиб қўйган. Ҳаётлик чоғларида қайси кўчадан ўтсалар, ўша кўчада ҳидлари қолар, кимнинг бошини силасалар, ўша кишининг бошидан анча вақтгача ўша ифор таралиб турарди. Мана, вафотларига неча асрлар бўлганига қарамай, ўша ҳид қабрларидан таралиб турибди» деб жавоб берди.
Аллоҳумма солли ва саллим ва баарик ала Муҳаммад ва ала олиҳи ва асҳабиҳи ажмаъийн.
Нозимжон Иминжонов тайёрлади.
ЎМИ матбуот хизмати
Илмий кенгашнинг навбатдаги йиғилиши бўлиб ўтмоқда
Йиғилиш аввалида Халқаро туркий маданият ташкилоти (ТУРКСОЙ) Бош котиби Султон Раев Марказ раҳбари Фирдавс Абдухолиқов ҳамроҳлигида Ислом цивилизацияси маркази биноси ва мажмуанинг иккинчи қаватида жойлашган халқаро ташкилотлар учун ажратилган махсус жой билан танишди.
Марказда давом этаётган йиғилиш доирасида эса ТУРКСОЙ ва Марказ ўртасида ҳамкорлик меморандуми имзоланди.
Илмий кенгаш аъзолари, ишчи гуруҳ раҳбарлари, халқаро ҳамкор мутахассислар ва лойиҳалар ижрочилари иштирокида ўтказилаётган йиғилиш доирасида Марказ экспозициясини бойитиш бўйича масалалар муҳокама қилинмоқда.
Ислом цивилизацияси маркази Ахборот хизмати
