Аввалроқ, мамлакатимизда муқаддас Рамазон ойининг жорий йил 17 майдан бошланиши ҳақида маълум қилинган эди.
Кеча, 15 куни Саудия Арабистони Подшоҳлиги уламолари ойнинг ҳаракатини кузатган ҳолда 1439 ҳижрий Шаъбон ойи 30 кун бўлишини ҳамда Рамазон ойининг дастлабки куни 17 май санасига тўғри келишини маълум қилдилар. Бу ҳақда "saudigazette" нашри хабар берди.
Малайзия, Индонезия, Сингапур, Брунай, Австралия ва Оман давлатларида 17 май, пайшанба куни рамазоннинг биринчи куни деб эълон қилинди.
Аллоҳ таоло юртимизга ушбу муборак ойни баракотли қилсин!
ЎМИ Матбуот хизмати
Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг ташаббуси билан муборак Рамазон ойидаги Хатми Қуръон тадбирларида иштирок этувчи қориларни саралаш ва тайёргарлик жараёнлари изчил давом этмоқда.
Шу йилнинг 4 февраль куни «Шайх Муҳаммад Содиқ Муҳаммад Юсуф» мажмуасида Тошкент шаҳар масжидларида таровиҳ намозларида хатмга ўтадиган қорилар билан навбатдаги суҳбат ўтказилди.
Тадбир давомида Ўзбекистон мусулмонлари идорасининг «Қуръон ва тажвидни ўргатиш» бўлими мудири Шайх Алижон қори Файзуллоҳ Махдум қориларга хатм қилиш одоблари, тажвид қоидалари, хусусан, вақф ва ибтидо (тўхташ ва бошлаш) илми бўйича маҳорат дарси ва маъруза қилдилар.
Шунингдек, малакали устозлар томонидан қориларнинг тайёргарлик даражаси кўрикдан ўтказилиб, муборак ой давомида Қуръон тиловатини юксак савияда адо этиш юзасидан зарур тавсия ва кўрсатмалар берилди.
AlQuran.uz