31 Август, 2026, 18 Рабиъул аввал, 1448
31 Август, 2026, 18 Рабиъул аввал, 1448
Бугун, 28 апрель куни Нукус шаҳридаги “Имом Эшон Муҳаммад” жоме масжидида катта шодиёна – Ўзбекистон Қуръон мусобақаси ғолиби, гран при соҳиби Йўлдошбой Нуриддиновни тантанали кутиб олиш маросими бўлиб ўтди.
Унда Қорақалпоғистон мусулмонлари қозиёти қозиси Шамсуддин Баҳоуддинов, Қорақалпоғистон Республикаси Вазирлар Кенгаши раиси ўринбосари М.Алеуов, нуроний оқсоқоллар, Ёшлар иттифоқи вакиллари, республиканинг барча имом- хатиблари, қозиёт ва Муҳаммад ибн Аҳмад ал-Беруний номидаги мадраса ходимлари иштирок этдилар.
Тадбирда Йўлдошбой таълим олаётган Олий Маъҳад домлалари Жаҳонгир қори билан Аҳмаджон қорилар ҳам иштирок этиб қорақалпоқ халқига муфтий ҳазратнинг саломи ва табригини етказдилар.
Ундан кейин табрик сўзини Қорақалпоғистон мусулмонлари қозиёти қозиси Шамсуддин Баҳоуддинов давом эттириб, бу бутун қорақалпоқ халқининг ютуғи эканини айтиб, бундан муфтий ҳазратнинг ҳам бениҳоя мамнун бўлганини ва қорақалпоқ элини чин қалбдан табриклаганини алоҳида таъкидлади.
Юсуф САБУРОВ,
ЎМИ Матбуот хизмати
АҚШнинг Сиэтл шаҳри мери Кети Б. Уилсон 2026 йил 1 сентябрни “Ўзбекистон Мустақиллиги куни” деб расман эълон қилди. Бу ҳақда шаҳар мери томонидан имзоланган махсус прокламацияда қайд этилган.
Ҳужжатда Ўзбекистон мустақиллигининг 35 йиллиги, мамлакатнинг шу давр мобайнида суверенитет, тараққиёт ва кенг кўламли ўзгаришлар йўлини босиб ўтгани алоҳида таъкидланган.
Шунингдек, прокламацияда Ўзбекистоннинг Марказий Осиёдаги энг кўп аҳолига эга давлат экани, иқтисодиёт йиллик 5–6 фоиз атрофида ўсиб бораётгани, очиқ бозор ва халқаро ҳамкорликни ривожлантиришга интилаётгани қайд этилган.
Ҳужжатда Ўзбекистоннинг қадимий Ипак йўли марказида жойлашгани ва бугунги кунда 100 миллиондан ортиқ истеъмолчини қамраб олувчи минтақага стратегик дарвоза вазифасини бажараётганига ҳам урғу берилган. Бу эса савдо, инвестиция, логистика, технология ва энергетика соҳаларида Сиэтл бизнес ҳамжамияти билан ҳамкорлик учун катта имконият сифатида баҳоланган.
Бундан ташқари, Ўзбекистоннинг Сиэтлдаги Бош консуллиги фаолияти икки томон ўртасида одамлар, бизнес ва давлат идоралари даражасида узоқ муддатли алоқаларни мустаҳкамлашга хизмат қилиши таъкидланган.
https://t.me/Rasmiy_axborot_official
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 