13 Август, 2026, 30 Сафар, 1448
13 Август, 2026, 30 Сафар, 1448
Аввал, Ўзбекистон мусулмонлари идораси “зиёрат туризм” фаолиятини йўлга қўйгани ҳақида хабар берган эдик. Эндиликда, Диний идора ҳузуридаги Муқаддас қадамжоларни сақлаш ва обод этиш хайрия жамоат фонди юртимиздаги зиёратгоҳларни обод этиш билан бир қаторда бундай табаррук масканларга зиёратларни ҳам уюштириш ишларини бошлади. Дастлаб Фонд томонидан Самарқанд вилоятидаги қутлуғ қадамжоларга зиёратлар ташкил этилмоқда.
Самарқанд зиёрати дастури билан танишинг:
Йўналиши: Тошкент – Самарқанд – Тошкент
Давомийлиги: 1 кун
Транспорт тури: Замонавий транспорт воситаси
Тўлов миқдори: 200000 сўм
|
Вақт |
Фаолият (иш, хизмат)лар тартиби |
|
|
05:00 |
05:30 |
Зиёратчиларни белгиланган жойда тўплаш; |
|
05:30 |
10:00 |
Самарқандга жўнаш; |
|
10:00 |
10:30 |
“Имом Бухорий” мажмуаси зиёрати; |
|
10:30 |
11:00 |
Самарқанда шаҳрига етиб бориш; |
|
11:00 |
12:30 |
“Ҳазрати Ҳизр” ва “Шоҳи Зинда” мажмуалари зиёрати; |
|
12:30 |
14:00 |
Тушлик ва пешин намози; |
|
14:00 |
17:00 |
“Имом Мотуридий” зиёратгоҳи, “Бибихоним” масжиди, “Регистон” майдони, “Гўр Амир” мақбараси, “Руҳобод” мақбараси, “Хўжа Аҳрори Валий” зиёратгоҳи ва “Мирзо Улуғбек” расадхонаси зиёрати; |
|
17:00 |
17:30 |
Зиёрат совғалари харид қилиш; |
|
17:30 |
22:00 |
Тошкент шаҳрига қайтиш. |
Зиёратчиларга қуйидаги хизматлар кўрсатилади:
Мурожаат учун: Ўзбекистон мусулмонлари идораси ҳузуридаги Муқаддас қадамжоларни сақлаш ва обод этиш хайрия жамоат фонди
Телефон: (71) 150-64-11, (90) 186-59-18, (99) 899-59-18
Зиёратчиларни тўпланиш жойи: Ҳазрати Имом (Хастимом) жоме масжиди ёнида
Эслатма: Якка гуруҳ шаклида йиғилган зиёратчиларни талаб ва истакларига кўра, гуруҳни Тошкент шаҳрининг хоҳлаган манзилида йиғиш ва зиёратга жўнатиш мумкин.
Икром АҲМЕДОВ, Хайрия жамғармаси бош мутахассиси;
Ўзбекистон мусулмонлари идораси Матбуот хизмати
Покистоннинг “Network News Pakistan” электрон нашри “Ўзбекистон туризми ўсиш бўйича Марказий Осиёда биринчи ўринни эгаллади” сарлавҳали ахборот мақолани эълон қилди, деб хабар қилмоқда “Дунё” АА.
Унда Бутунжаҳон саёҳат ва туризм кенгашининг (World Travel & Tourism Council – WTTC) “Саёҳат ва туризмнинг 2026 йилга қадар иқтисодий таъсирини ўрганиш” ҳисоботига кўра, 2025 йилда Марказий Осиё дунёнинг энг тез ривожланаётган сайёҳлик минтақасига айлангани таъкидланган.
“WTTC ўз тадқиқотларини дунёни 13 та йирик минтақага бўлган ҳолда олиб боради. 2025 йил якунларига кўра, Марказий Осиё туризм соҳасини ривожлантиришнинг бир нечта асосий кўрсаткичлари бўйича дунёда биринчи ўринни эгаллади. Шу билан бирга, Ўзбекистон бу кўрсаткичларнинг барчаси бўйича Марказий Осиё мамлакатлари орасида етакчига айланди”, – дейилган манбада.
Нашрда қайд этилишича, 2025 йилда туризмнинг Марказий Осиё ялпи ички маҳсулотига қўшган умумий ҳиссаси 17,7 фоизга, соҳанинг бевосита ҳиссаси эса 19,6 фоизга ошган. Минтақада туристик хизматлар экспорти (visitor exports) йил давомида 26,4 фоизга ўсиб, 9,9 миллиард АҚШ долларини ташкил этди.
Минтақадаги туристик хизматлар экспорти умумий ҳажмининг деярли ярми Ўзбекистон ҳиссасига тўғри келади. Жумладан, 2025 йилда Ўзбекистонга 4,8 миллиард АҚШ доллари миқдорида туристик хизматларни экспорт қилган. WTTC маълумотларига кўра, 2025 йилда Ўзбекистон Марказий Осиё аҳолиси учун энг оммабоп саёҳат йўналиши бўлди.
“Умуман олганда, бу кўрсаткичлар туризмнинг минтақавий характерга эга эканини англатади. Марказий Осиё аҳолиси кўпинча ўз минтақаси ичида саёҳат қилади”, – дейилади мақолада.
“Network News Pakistan” WТТC прогнозига таяниб ёзишича, 2036 йилга бориб туризм соҳасининг Марказий Осиё иқтисодиётига қўшадиган умумий ҳиссаси 29,7 миллиард АҚШ долларига етади.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 