Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.
Юртимизда миллий спорт турларини ардоқлаш ва соғлом турмуш тарзини тарғиб қилиш мақсадида Ўзбекистон мусулмонлари идораси томонидан "Муфтий кубоги" мусобақасига старт берилган эди.
Шу йил 28 март куни Сурхондарё вилояти бош имом-хатиби Расулжон домла Абдуллаев бошчилигида вилоятдаги масжид имом-хатиблари ва ноиблари ўртасида миллий кураш бўйича саралаш босқичлари ўтказилди.
Беллашувлар кутилганидан ҳам қизғин ва шиддатли кечди. Дин хизматида бўлган уламоларимиз бу гал майдонда ўзларининг жисмоний маҳоратларини намойиш этдилар.
Тадбир якунида вилоят бош имоми воҳамизнинг алп ўғлонлари ҳақига хайрли дуолар қилиб, уларнинг келгуси босқичларда ҳам қўллари баланд бўлишини тиладилар.
Сурхондарё вилояти вакиллиги
Матбуот хизмати