Маърифатпарвар бобомиз Абдулла Авлоний: «…ёшликдан бошлаб зеҳн ва идрокимизни қувватландурмак учун азиз умримизни ўйин-кулги, сафсата, молояъни (маъносиз) каби беҳуда сўзлар билан ўткармай, ҳар хил китоб, ғазита ва журналларни ўқуб, фикримизни очмоқ, зеҳнимизни қувватландурмак лозимдур» дея таъкидлаган эди. Ҳақиқатан, китоб инсон учун айни хазинадир.

Кеча, 18 ноябрь куни Ўзбекистон мусулмонлари идораси Тошкент вилояти Қибрай туманида Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг «Эй бандаларим... Бир қудсий ҳадис шарҳи» китоби тақдимоти ўтказилди.

Тадбирда Тошкент вилояти бош имом-хатиби Дониёр домла Икромов, туман ва шаҳарлар бош имомлари, имом-домлалар иштирок этди.

Тақдимотда ушбу асарнинг бугунги кундаги аҳамияти, ёш авлодга таълим-тарбия беришдаги ўрни борасида сўз борди.

Ўзбекистон мусулмонлари идораси

Матбуот хизмати