27 Сентябр, 2024, 24 Рабиъул аввал, 1446
27 Сентябр, 2024, 24 Рабиъул аввал, 1446
Жорий йилнинг 16 май куни Ўзбекистон мусулмонлари идораси тизимидаги футбол жамоалари ўртасида 9-май “Хотира ва қадрлаш куни” муносабати билан ўтказилган футбол турнирининг финал ўйини бўлиб ўтди.
Унда Тошкент вилояти имом-хатибларидан ташкил топган “Дўстлик” жамоаси ва Тошкент шаҳри имом-хатибларидан ташкил топган “Минор” жамоалари ўзаро тўп суришди. Шиддатли кечган учрашувда “Дўстлик” жамоаси “Минор” жамоасини 8:6 ҳисобида мағлуб этиб, турнир кубогини қўлга киритди.
Финал учрашувида, кўплаб меҳмонлар, жамоалар мураббийлари, ҳамда Ўзбекистон мусулмонлари идораси Тошкент шаҳар Бош имом-хатиби Анвар қори Турсунов ташриф буюрди.
Қуйида, ғолиб жамоалар ва турли номинациялар бўйича тақдирланганларни эълон қиламиз:
1-ўрин – “Дўстлик” жамоаси;
2-ўрин – “Минор” жамоаси;
3-ўрин – “Бухорий авлодлари” жамоаси.
Турли номинациялар бўйича тақдирланганлар:
Энг яхши мураббий – Хайрулла Турматов
Энг яхши дарвозабон – Умиджон Содиқов
Энг яхши ҳимоячи – Шавкат Аписов
Энг яхши ярим ҳимоячи – Ғайрат Раҳматуллаев
Энг яхши ҳужумчи – Шухрат Ходжибоев
Энг кўп тўпурар – Саидов Отабек
Энг жонкуяр мухлис – Баҳриддин Шарипов
Эслатиб ўтамиз, навбатдаги турнир Истиқлолимизнинг 26 йиллиги муносабати билан ўтказилади. Ушбу турнирга, Тошкент шаҳридаги "Кўкалдош" ўрта махсус ислом билим юрти мезбонлик қилади.
Ўзбекистон мусулмонлари идораси
ахборот хизмати
Cавол: Мен тўшакка михланиб қолганман. Ётган бемор қиблага оёғини узатиб намоз ўқиши кераклигини ўқидим. Аммо менда бошим қиблада бўлиб қолган. Каравотим шундай жойлашган. Баъзан уйдагилар кароватимни айлантириб беришади. Баъзан ҳеч ким бўлмай қолади. Шундай ҳолатда қиблага юзланмасдан намоз ўқисам бўладими?
Жавоб: Бисмиллаҳир Роҳманир Роҳийм. Уйда ҳеч ким бўлмай, сизни қиблага қаратиб қўядиган одам топилмай қолса, шу ҳолатингизда, яъни қиблага юзланмаган ҳолатда ҳам намоз ўқийверасиз. Сиз бундай ҳолатда узрли ҳисобланасиз. Чунки шариатда бир қанча узрлар туфайли намозхон қибладан бошқа томонга қараб намоз ўқишга рухсат берилган. Шулардан бири сиздаги каби ҳолат. Бундан ташқари уйдагилар бўлса-ю, сизни қиблага қаратиш учун каравотингизни айлантириб қўйиш сабабли сизга зарар етадиган бўлса, бу ҳолат ҳам узр ҳисобланиб, ўша ҳолатингизда намоз ўқисангиз бўлади. Бу борада “Фатовои Оламгирия”да бундай дейилган:
“Тўшакка михланиб қолган бемор қиблага юзлана олмаса ҳамда ёнида уни қиблага қаратиб қўядиган одам ҳам бўлмаса, қай томонга юзланиб ўқиса ҳам намози дуруст бўлаверади. “Хулоса”да шундай келган. Шунингдек, ёнида қиблага қаратиб қўядиган одам бор-у, лекин айлантириб қўйиш беморга зарар берса, бунда ҳам истаган томонига қараб намоз ўқийверади. “Заҳирия”да шундай келган”. Валлоҳу аълам.
Ўзбекистон мусулмонлари идораси
Фатво маркази
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа