11 Ноябр, 2026, 1 Жумадул сони, 1448
11 Ноябр, 2026, 1 Жумадул сони, 1448
Юз берган кучли тўфондан бир бой кишининг барча мол-дунёси сувга ғарқ бўлибди. Бутун бойлиги бирпасда йўқ бўлганига чидамаган бой кўчаларда фарёду-фиғон чекиб йиғлаб кетаётса, қаршисидан бир одам чиқиб қолибди:
- Кап-катта одамга йиғлаш нимаси? - дея савол берибди ажабланиб.
- Мен йиғламай ким йиғласин? - дебди у. - Бир зумда ҳамма мол-мулкимдан айрилиб, фақир-қашшоқ бўлиб қолдим-ку!..
- Кўп ғам чекма, - дея овутишга тушибди йўловчи киши. - Умр йўлдошинг борми?
- Бор, - дебди бой бироз ҳайрон бўлиб.
- Унинг ақлу-ҳуши, фаросати борми? Бой бир зум ўйланиб қолибди ва:
- Ҳа, бу жиҳатдан бахтиёрман! Фаросатли, солиҳа, ҳар доим кайфиятимга қараб яшайдиган жуфти ҳалолим бор, - дебди бой.
- У ҳолда нега йиғлайсан, эй ғофил банда?! Бу дунёда мато учун ҳам кўз-ёш тўкадими, одам? Сабоқ учун бир гап айтай сенга, мен шундай бир хотинга уйланганманки, эрнинг қадр-қимматига етмайди. Сен фалокатнинг нималигини билмас экансан. Агар сен ҳам ақли калта, тили узун, жағи тинмас бир хотинга уйланган бўлганингда, ўшанда билардинг ҳақиқий фалокат нималигини! Дўконларинг сувга ғарқ бўлган бўлса, сен соғ экансан-ку, ҳаммасини топасан. Фақат ёнингда кўнглингдагидек аёлинг сенга мададкор бўлса, маънавий қувват бериб турса тезда ўзингни ўнглаб оласан, - дебди, йўловчи.
Халқимизда "Яхши хотин ярим давлат" деган гап бежиз айтилмаган. Дарҳақиқат, солиҳа, оқила аёл фақат жуфти ҳалолининг эмас, бутун жамиятнинг гултожи ҳисобланади. Чунки, тарбияси гўзал аёл аввало, ота-оналарини эъзозлайди, турмуш ўртоғини ардоқлайди, асосийси, фарзандларига чиройли тарбия бериб, жамиятга комил инсонларни вояга етказиб беради.
ТИИ талабаси
Тожиддинов Абдуссомад
#Хайрия_карвони
Бу йилги муборак Рамазон ойи халқимиз қалбига янада яқин, кўплаб хурсандчиликлар олиб келаётган мўътабар айёмга айланмоқда. Ижтимоий ҳимоя миллий агентлиги, Ўзбекистон мусулмонлари идораси, "Вақф" хайрия жамоат фонди ва бошқа ташкилотлар билан ҳамкорликда ўтказилаётган хайрия тадбирлари давомида рамазон туҳфаларидан ҳар йилгидан кўра кўпроқ аҳоли қатлами баҳраманд бўлишяпти.
"Рамазон – меҳр-мурувват, аҳиллик ва шукроналик ойи" шиори остида ташкил этилаётган тадбирларда масъуллар эътиборидан нафақат давлат таъминотидаги оилалар, ўзгалар парваришига муҳтож ёлғиз яшовчи ҳамда ёлғиз кексалар ва ногиронлиги бўлган шахслар, ота-она қарамоғидан маҳрум бўлган болалар яшаётган оилалар, балки "маҳалла еттилиги" томонидан эҳтиёжманд деб топилган минглаб оилалар ҳам четда қолмаяпти.
Муқаддас ойнинг ўтган тўрт куни давомида "Вақф" хайрия жамаот фонди ва унинг ҳудудлардаги филиаллари томонидан аҳолининг эҳтиёжманд қатламига ҳар жиҳатдан ёрдам бериш борасида кўплаб хайрия тадбирлари ташкил этилди.
Хусусан, фонднинг Андижон вилояти филиали томонидан шу кунгача ёлғиз кексалар, ногиронлиги бор, боқувчиси вафот этган, эҳтиёжманд деб топилган 260 та оилага ҳомийларнинг озиқ-овқат маҳсулотлари етказилди.
Фонднинг Тошкент вилояти филиали томонидан ҳомийларни жалб қилган ҳолда 230 нафар аҳолининг кам таъминланган қатлами учун ифторлик дастурхонлари ёзилди.
Фонднинг Бухоро ва Самарқанд вилоятлари филиаллари томонидан ҳомийлар кўмагида вилоятнинг чекка туманларида яшовчи ижтимоий кўмакка муҳтож ва ногиронлиги бор оилаларга озиқ овқат ва кийим-кечаклар эҳсон қилинди.
Ана шундай хайрия тадбирлари фонднинг барча филиалларида изчилликда ўтказилмоқда.
Vaqf.uz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа