12 Октябр, 2025, 20 Рабиъус сони, 1447
12 Октябр, 2025, 20 Рабиъус сони, 1447
Мамлакатимиз мўмин-мусулмонлари муборак ҳаж ва умра ибодатларини адо этишлар учун йилдан-йилга қулай шарт-шароитлар ташкил этиб келинмоқда. Сўнгги йилларда зиёратчиларга кўрсатиладиган тиббиёт, транспорт, меҳмонхона хизматлари ва ибодат масалаларидаги ёрдамлар савияси сезиларли даражада ошганини алоҳида қайд этиш керак.
Яна бир хурсандчилик, ҳаж сафарига бориш истагини билдираётганлар сони ошиб бораётганини инобатга олиб, 2017 йилдан юртимиздан ҳаж зиёратига борувчилар сони 7200 нафар қилиб белгиланди (илгари 5200 нафар эди). Бу хушхабар барча юртдошларимизга катта қувонч бахш этди.
Шу кунларда Ҳаж ишлари бўйича Ўзбекистон делегацияси Саудия Арабистонида хизмат сафарида бўлиб, бир қатор вазирлик ва идоралар билан 2017 йилги ҳаж мавсумини намунали ташкил этиш бўйича музокаралар ўтказмоқда. Куни кеча Саудия Арабистони Ҳаж ва умра ишлари вазири Солиҳ Бантин билан учрашув бўлиб ўтди. Унда ўтган Ҳаж мавсумидаги ютуқлар ва келаётган мавсумга тайёргарлик, уни янада яхши ташкил этишга доир фикрлар билдирилди. Мазкур учрашув якунида икки томон ўртасида имзоланган шартномага кўра, жорий йил Ҳаж мавсуми учун Ўзбекистонга 7200 та квота ажратилишига эришилди.
Куннинг иккинчи ярмида Ҳаж ишлари бўйича Ўзбекистон делегацияси Саудия Арабистони Фуқаро авиацияси бош бошқармаси раҳбарияти билан Жидда шаҳрида учрашув ўтказди. Музокараларда ҳаж ва умра зиёратларини ташкил этиш доирасидаги ташкилий масалалар, жумладан, Мадина ва Жидда шаҳарлари халқаро аэропортлари орқали зиёратчиларни ташиш, кўрсатиладиган хизматлар муҳокама этилди. Саудия Арабистони Фуқаро авиацияси бош бошқармаси Ўзбекистон ҳаж ишчи гуруҳи ва “Ўзбекистон ҳаво йўллари” миллий авиакомпанияси иш фаолиятига юқори баҳо берди.
Шундан сўнг Ҳаж ишлари бўйича Ўзбекистон делегацияси ташриф дастури доирасида Саудия Арабистони Транспорт корхоналари бош вакиллиги масъуллари билан учрашди. Учрашувда бош вакиллик раҳбари Форуқ Бухорий Ўзбекистон томонидан ҳаж ва умра тадбирларини юқори даражада ташкил этиб келаётгани, ўзбекистонлик ҳожилар замонавий транспорт воситалари билан таъминлангани, шартномавий келишувлар Ўзбекистон томонидан тўлақонли бажарилаётганини алоҳида таъкидлади. Форуқ Бухорий сўзининг якунида Ўзбекистон ҳаж делегацияси аъзоларига юқори даражадаги ташкилий ишлар учун самимий миннатдорлик билдирди.
Ўзбекистон мусулмонлари идораси
ахборот хизмати
Бугун, 9 октябрь куни Наманган вилояти бош имом-хатиби Мусохон домла Аббасиддинов бошчилигида вилоятда фаолият олиб бораётган барча имом-хатиблар фаолияти самарадорлигини янада оширишга бағишланган йиғилиш бўлиб ўтди.
Йиғилиш Қуръони карим тиловати билан бошланди.
Учрашувда Андижон вилоятида бўлиб ўтган илмий-амалий семинарда Ўзбекистон мусулмонлари идораси раиси, муфтий, шайх Нуриддин Холиқназар ҳазратларининг ҳар бир имом-хатибнинг фаолияти давомидаги тадбирларнинг қамрови ва аҳамияти, моҳияти, эришилган ютуқлар, натижалар, тажриба алмашинувларнинг диний ходимлар учун манфаатли бўлиши эътироф этилгани, шу билан бирга, берилган топшириқ ва тавсиялари бўйича Вилоят бош имом-хатиби томонидан монитор орқали жонли кўргазмали тарзда амалий семинарда олинган кўникмаларни вилоятда оммалаштириш учун кўрсатма берилди.
Шунингдек, учрашув давомида ўз устида мунтазам ишлаш, илмий савияни янада ошириш, аҳоли билан мулоқот қилиш, мўмин-мусулмонлар эҳтиёжини таъминлаш ҳамда хайрия ёрдамлари уюштиришдаги уюшқоқлик, тизимдаги ходимлар ўртасида ўзаро бирдамлик муҳити янада мустаҳкамлаш зарур экани алоҳида таъкидланди.
Вилоятимизнинг барча масжидларида намозхонлар учун суҳбатларни олиб бориш, айниқса, ҳар душанба ва пайшанба кунлари масжид жамоаси кўп тўпланадиган вақтда намозидан кейин суҳбатлар ташкил этиш, масжидлар ишларини бошқариш, ободончилик ва тозаликка алоҳида эътибор қаратиш такидлаб ўтилди. Белгилаб ўтилганидек, ҳудудлардаги имом-хатиб ва имом-ноиблар пайшанба ўқувларини самарали ташкиллаштириш бўйича йўл-йўриқлар кўрсатилди.
Жорий йилнинг 23 сентябрдаги Муфтий ҳазратларининг таман-шаҳар бош имом-хатиблари иштирокидаги видео селектор йиғилишида берган кўрсатма ва топшириқларини амалий ва самарали ижро этишлари, жойларда амалий натижага эришишлари учун берилган топшириқ хати ўқиб эшиттирилди.
Йиғилиш давомида ҳар бир туман-шаҳар бош имом-хатиби имом-ноиблар фаолиятига ҳам эътибор қаратишлари лозимлиги, куз-қиш мавсумига тайёргарлик ишларини сифатли якунлаш ва ўз вақтида вакиллик масъулларига маълумот тақдим этишлари алоҳида айтиб ўтилди.
Ўзбекистон мусулмонлари идораси
Наманган вилояти вакиллиги Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 