23 Май, 2026, 5 Зулҳижжа, 1447
23 Май, 2026, 5 Зулҳижжа, 1447
2016 йилнинг 18 январь куни Фарғона вилояти имом-хатиблари ва имом-ноибларининг 2016 йил якунига бағишланган умумий йиғилиши бўлиб ўтди. Унда вилоят ҳокими ўринбосари Қамариддин Имомов, Ўзбекистон мусулмонлари идораси Масжидлар бўлими мудири Муҳаммадназар Қаюмов, иштирок этди.
Ўзбекистон мусулмонлари идорасининг Фарғона вилоятидаги вакили Турсунали Эрбўтаев вакиллик ходимлари ва имом-хатибларнинг 2016 йилги фаолияти бўйича умумий ҳисобот берди.
Йиғилишда ўтган давр мобайнида амалга оширилган ишлар ва йўл қўйилган камчиликлар танқидий кўриб чиқилди. Жумладан, 2016 йилда иш фаолияти, маънавий-маърифий тадбирлар ва оммавий ахборот воситаларидаги чиқишлар бўйича камчилик ва сусткашликка йўл қўйган ходимларга нисбатан бирма-бир қаттиқ танбеҳ берилиб, келгусида ўз вазифасини суиистеъмол қилган ходимларга қаттиқ интизомий чора кўриш ва ҳатто вазифасидан озод этилиш тўғрисида огоҳлантирилди.
Имом-хатибларга ОАВларда ёшларнинг ҳар хил зарарли оқимлар таъсирига тушиб қолишини олдини олишга қаратилган мақолаларни газета, журнал ва интернет сайтларида мунтазам ёритиб бориш, китобхонликни ошириш шу билан бирга вакиллик тасарруфидаги барча масжидларда ободонлаштириш ишларини олиб бориш, намозхонлар учун қулай шароитлар яратиш ҳамда ёнғин хавфсизлиги чораларини кучайтириш бўйича зарурий кўрсатмалар бериб ўтилди.
Йиғилишда келгусида бажарилиши лозим бўлган ишлар юзасидан тадбирлар режаси белгилаб олинди.
Йиғилиш якунида 2016 йилда самарали меҳнат қилган, диний соҳада намунали хизмат қилган, шунингдек, “Ҳидоят” журнали ва “Ислом нури” газетасига обуна бўлишда фаоллик кўрсатган фидоий имом-хатиблар “Мақтов ёрлиғи” ва эсдалик совғалари билан тақдирландилар.
Ўзбекистон мусулмонлари идораси
Масжидлар бўлими
Бисмиллаҳир Роҳманир Роҳийм
Савол: Динимизда овқатланишни тўймасдан аввал тўхтатиш суннат, дейилган. Аммо тўйгандан кейин ҳам ейишга қандай қаралади? Чунки ҳозирги кунда ижтимоий тармоқларда танилиш ёки бошқа мақсадларда кўпчилик тўядиган овқатни бир кишининг якка ўзи еб қўяётганига ўхшаш ҳолатлар тарқатилмоқда.
Жавоб: Бисмиллаҳир Роҳманир Роҳийм. Ватандошимиз, буюк муҳаддис Имом Термизий раҳимаҳуллоҳ ўзларининг “Сунани Термизий” асарларида соғлом турмуш тарзининг олтин қоидаси бўла оладиган гўзал бир ҳадиси шарифни келтирганлар: Миқдом ибн Маъдийкариб розияллоҳу анҳудан ривоят қилинади: Набий соллаллоҳу алайҳи васаллам: “Одам боласи тўлдирадиган идишларнинг энг ёмони қориндир. Одам боласига қаддини тутадиган емаклар кифоядир. Агар жуда лозим бўлса, (қориннинг) учдан бири таом, учдан бири ичимлик ва учдан бири нафаси учун”, дедилар.
“Фатово Оламгирия”да қуйидагилар айтилган:
“Таомланиш бир неча даражаларга бўлинади:
1. Фарз овқатланиш. Ҳалок бўлишдан сақланиш учун зарур бўлган миқдорни ейиш фарз ҳисобланади. Шунинг учун киши ейиш ва ичишни тарк этиб, ҳалок бўлса, гуноҳкор бўлади.
2. Ажр бериладиган таомланиш. Бунга намозни тик туриб ўқишга ва рўза тутишга кучи етиши учун фарз миқдоридан кўпроқ ейиш киради.
3. Мубоҳ (рухсат берилган) таомланиш. Бунга тананинг қуввати янада зиёда бўлиши учун тўйгунча ейиш киради. Бунда савоб ҳам, гуноҳ ҳам йўқ. Агар ҳалолдан бўлса, енгил ҳисоб-китоб қилинади.
Ҳаром таомланиш. Тўйгандан кейин ҳам ортиқча ейиш мумкин эмас. Аммо бундан мақсад эртанги рўзага қувват йиғиш ёки меҳмонни хижолат қилмаслик мақсадида унга ҳамроҳлик қилиш бўлса, зарари йўқ. "Ҳавий лил-фатаво" китобида шундай келган”. Валлоҳу аълам.
Ўзбекистон мусулмонлари идораси
Фатво маркази.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 