11 Июн, 2025, 15 Зулҳижжа, 1446
11 Июн, 2025, 15 Зулҳижжа, 1446
Машҳур россиялик актриса Елена Проклова Ислом динини қабул қилди. Яқинда актриса 2006 йилдан буён БААда истиқомат қилувчи Татаристонлик тижоратчи Исмоил Шангариевнинг уйида меҳмон бўлган эди.
Актрисанинг у ерда кўрган-кечирганлари, дунёқарашига таъсир қилган омиллар ҳақида Исмоил Шангариев интернет саҳифасида маълум қилди.
— Елена Ислом тамаддуни ҳақида гапириб, бизнинг динимиз унга жуда ёқишини айтди, дейди Исмоил. Мен унга Ислом ҳақида батафсил маълумот бердим. Шунда у Ислом таълимоти асосида ҳаёт кечиришни жуда хоҳлашини, келажакда туғиладиган фарзандлари, набиралари ҳам мусулмон бўлишини орзу қилишини айтди. Биз у билан Шайх Зайд масжидига бордик. Елена ўша ерда: “Ла илаҳа иллаллоҳу Муҳаммадур Расулуллоҳ”, деб Исломни қабул қилди. Шундан сўнг, масжидда ўтириб Яратгандан ўзи ва яқинлари ҳақида эзгу дуолар қилди.
Актрисанинг айтишича, мусулмонларнинг оиласи – бу энг мустаҳкам оила ҳисобланади. У исломни қабул қиларкан ўзи учун буюк синоатлар эшиги очилганини айтди. Жумладан, Исломда таъқиқланган нарсаларнинг барчаси, тиббий жиҳатдан ҳам инсонга зарарли эканинини, алоҳида қайд этди.
Эслатиб ўтамиз актриса ўтган йили турмуш ўртоғи билан ажрашган эди. Унинг айтишича, яқин келажакда турмушга чиқадиган бўлса ҳам фақатгина мусулмон инсонга турмушга чиқади. Чунки у фарзандлари ва набиралари мусулмон бўлишини жуда ҳам хоҳлайди.
Илҳом МАЪРУПОВ
тайёрлади
Аллоҳ таоло ҳар бир амални ихлосу муҳаббат билан ўЗининг қоидасига мувофиқ бажарган бандаларига улкан мукофотларни ато қилади. Ҳаж амалларини гўзал ҳолатда адо қилган кишилар учун дунёда гуноҳлари кечирилиши, охиратда эса жаннат мукофот қилиб берилади.
Абу Ҳурайра розийаллоҳу анҳудан ривоят қилинади: «Расулуллоҳ соллаллоҳу алайҳи васаллам: “Умрадан умрагача бўлган (сағира) гуноҳлар кечирилади. Мабрур ҳажнинг мукофоти фақат жаннат бўлади!”, дедилар» (Имом Байҳақий ривояти).
“Мабрур” сўзи луғатда яхшилик қилинган, қабул қилинган маъноларини англатади. Уламолар ҳадисни шарҳлар эканлар, ҳажнинг мабрур бўлиши учун қуйидаги сифатлар топилиши лозим деганлар. Ихлос: зуҳди зиёда бўлиши; охиратга рағбат қилиш; барча ҳукмларини тўлиқ бажариш; сафарда фисқ ва маъсиятлардан, фаҳш сўзлардан тийилиш; риё, сумъа ва ужбдан сақланиш.
Аллоҳ таоло ҳожиларга берган энг катта имкониятлардан яна бири гуноҳларни мағфират қилишидир. Нафақат ҳожининг, балки ҳожи гуноҳларини мағфират қилишни сўраган инсонларнинг ҳам гуноҳларини Аллоҳ таоло кечиради. Шунинг учун зиёратга кирган кишилар ҳожидан ҳақларига дуо қилишни сўрайдилар.
Абу Ҳурайра розийаллоҳу анҳудан ривоят қилинади: «Мен Расулуллоҳ соллаллоҳу алайҳи васалламнинг: “Ким ҳаж қилса, ёмон гап ва ёмон иш қилмаса, худди онаси туққан кундагидек ортга қайтади”, деяётганларини эшитдим» (Имом Бухорий ривояи).
Абу Ҳурайра розийаллоҳу анҳудан ривоят қилинади: «Расулуллоҳ соллаллоҳу алайҳи васаллам: “Кимки ҳаж қилса, ёмон гап ва ёмон иш қилмаса, ўтган гуноҳлари кечирилади”, дедилар».
Бу ерда кичик гуноҳлар назарда туттилган. Чунки катта гуноҳларнинг кечирилиши учун тавба шарт. Сўзимизни қуйидаги ҳадиси шариф ҳам қувватлайди.
Абу Ҳурайра розийаллоҳу анҳудан ривоят қилинади: «Расулуллоҳ соллаллоҳу алайҳи васаллам: “Беш вақт намоз (ўртасида), жумадан жумагача, Рамазондан Рамазонгача бўлган гуноҳлар, агар кабирасидан четланилса, кечирилади”, дедилар” (Имом Муслим ривояти).
Аллоҳ таоло юртимиз ҳожиларининг қилган ибодатлари, дуо ва зикрларини Ўз даргоҳида ҳусни қабул этсин! Ҳажингиз мабрур, саъйингиз машкур бўлсин!
Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг "Ҳаж буюк ибодатдир" номли китобларидан олинди.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа