27 август куни Жидда шаҳрида Ислом ҳамкорлик ташкилоти Ташқи ишлар вазирлари кенгашининг навбатдан ташқари йиғилишида Мавританиянинг собиқ ташқи ишлар вазири Исмоил Вилд Шайх Аҳмад ИҲТнинг янги бош котиби этиб сайланди, деб хабар бермоқда “Дунё” АА мухбири.

Туркиянинг “Anadolu” ахборот агентлигининг маълум қилишича, 66 ёшли Исмоил Вилд аш-Шайх Аҳмад ИҲТ Бош котиби лавозимида 2021–2026 йилларда ташкилотга раҳбарлик қилган чадлик дипломат Ҳусайн Иброҳим Таҳанинг ўрнини эгаллайди.

Янги бош котиб 2015–2018 йилларда БМТ Бош котибининг Яман бўйича махсус вакили лавозимида ишлаган.

Ўзбекистон мусулмонлари идораси Матбуот хизмати