15 Сентябр, 2026, 4 Рабиъус сони, 1448
15 Сентябр, 2026, 4 Рабиъус сони, 1448
2016 йил 9 август куни Ўзбекистон мусулмонлари идораси тизимидаги футбол жамоалари ўртасида Мустақиллигимизнинг 25 йиллиги муносабати билан ўтказилган футбол турнири ўз якунига етди. Финал учрашувига меҳмон сифатида Азамат Абдураимов, Миржалол Қосимов, Жаъфар Ирисметов, Садриддин Абдуллаев, Ислом Тўхтахўжаев, Марат Бикмаев каби футболчилар, фахрийлар сифатида эса, Ахбор Имомхўжаев, Тўлаган Исоқов, Наримон Жалолов ҳамда Ўзбекистон мусулмонлари идораси Тошкент шаҳар вакили Анвар қори Турсунов ташриф буюрди.
Натижа қуйидагича:
“Ҳазрати Имом” (ЎМИ) 4 - 2 “Бухорий авлодлари” (ТИИ)
Мусобақа умумий натижаларига кўра,
1-ўрин “Ҳазрати Имом” жамоаси,
2-ўрин “Бухорий авлодлари” жамоаси,
3-ўрин “Минор” жамоасига насиб этди.
Шунингдек, футбол турнирида айрим жамоалар ва футболчиларга қуйидаги ёрлиқлар берилди:
Энг яхши дарвозабон – Муҳаммадназар Қаюмов (ЎМИ)
Энг яхши ҳимоячи – Мурод Абдумуродов (Нукус)
Энг яхши ярим ҳимоячи – Обиджон Ёрматов (ТШИ)
Энг яхши мураббий – Илёс Аҳмедов (ЎМИ)
Энг яхши ҳужумчи – Шуҳрат Ҳожибоев (ТВИ)
Энг кўп тўпурар – Айдарбек Тулепов (ЎМИ)
Энг яхши футболчи – Айдарбек Тулепов (ЎМИ)
Энг яхши плеймейкер – Ҳасан Тошпўлатов (ТИИ)
Ҳалол ўйин соҳиби – “Бухорий авлодлари” (ТИИ)
Энг чиройли гол соҳиби – Санъатуллоҳ Қорахоний (ТШИ)
Энг жонкуяр мухлис – Закариё Ҳафизуллаев
Энг яхши мухлис – Азамат Раҳматов.
Финал якунида турнирга мезбонлик қилган Тошкент шаҳар имомлари жамоаси барча ўрин эгаллаган жамоалар ҳамда ташриф буюрган меҳмонларни эсдалик совғалар ва фахрий ёрлиқлар билан тақдирладилар. Барчани Мустақиллигимизнинг 25 йиллик байрами билан чин қалбдан қутлаймиз.
Ўзбекистон мусулмонлари идораси
ахборот хизмати
Хабар берганимиздек, Озарбайжон пойтахти Боку шаҳрида Туркий давлатлар муфтийлари кенгашининг навбатдаги VII йиғилиши бўлиб ўтди.
Йиғилиш якунида Ўзбекистон, Туркия, Озарбайжон, Қозоғистон ва Қирғизистон муфтийлари муҳим йўналишларда 3 та баёнот ва замонавий масалаларга оид 6 та йирик фатвони имзолашди.
Жумладан, «Исломнинг илм-фан ва технологияга ёндашуви» мавзусидаги баёнотда Ислом динида инсоният фаровонлигига хизмат қилувчи барча илмий ва технологик ютуқлар қўллаб-қувватланиши билан бирга, улар юксак ахлоқий мезонлар, адолат ва масъулият тамойиллари асосида ривожланиши шартлиги таъкидланди.
«Мусулмонлиги маълум бўлган шахсни кофирга чиқаришнинг ҳукми» тўғрисидаги баёнотда Ислом таълимотига кўра, калимаи шаҳодат келтириб, қибла аҳлидан бўлган ҳар қандай шахс мусулмон ҳисобланиши ҳамда қилган гуноҳи ёки амалдаги нуқсони туфайли уни куфрда айблаш (такфир қилиш) қатъиян ман этилиши айтилди. Шунингдек, Туркий давлатлар уламолари ушбу баёнотда жамиятда фитна, қон тўкилиши ва низоларга сабаб бўлувчи такфирчилик оқимларига қарши илмий-маърифий курашни кучайтириш, уммат бирдамлигини мустаҳкамлаш зарурлигига эътибор қаратишди.
«Оила қуришга тарғиб қилиш, уни муҳофаза қилиш ва мустаҳкамлашга доир умумий масъулият» баёнотида Ислом таълимотига кўра, оила никоҳ асосига қуриладиган, соғлом авлод ва жамият давомийлигини таъминловчи, инсонга руҳий хотиржамлик ҳамда ахлоқий тарбия берувчи муқаддас муассаса эканига урғу қаратилди. Муфтийлар оила институтини ҳимоя қилиш, ёшларни оилага тайёрлаш ва миллий-маънавий қадриятларни мустаҳкамлашда бирдамликка чақирдилар.
Шунингдек, муфтийлар томонидан «Битта қабрга бирдан ортиқ маййитни дафн этишнинг ҳукми», «Ижарага берилган деҳқончилик ерларининг ушри», «Фатво сўраш ва фатво беришда сунъий идрокдан фойдаланиш масаласи», «Жума намози дуруст бўлишининг шартлари», ҳижрий ой бошланишини аниқлаш мезонлари ва такфир масаласига доир 6 та фатво матни имзоланди.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 