04 Ноябр, 2026, 24 Жумадул аввал, 1448
04 Ноябр, 2026, 24 Жумадул аввал, 1448
Минога келгач тош отиш бошланади. Ҳайитнинг 1 – куни етти дона тош отилади. Тошни Муздалифадан ё хоҳлаган бошқа жойдан териб олса бўлади. Тош ҳажми нўхатдек бўлади. Тош олдин отилган бўлмаслиги керак. Тош отиш Иброҳим (а.с) дан қолган бўлиб, у зот ўғлини қурбонликка сўйишга олиб кетаётганларида шайтон иғво қилмоқчи бўлганда, Иброҳим а.с. уни тош отиб қувган.
Ҳайитнинг 1 – куни Жамратул ақобада тош отилади. У жамратул кубро, жамратул ухро деб ҳам аталади. Тош ақобадан беш газ узоқликдан туриб, бармоқларнинг учи билан отилади. Ҳар бир тош “Аллоҳу акбар” деб отилади. Тош агар махсус жойга тушмаса, қайта отиш вожиб бўлади. Биринчи тошни отган заҳоти “талбия”ни тўхтатади. Тош отиш вақти субҳи содиқдан, кейинги куннинг субҳигачадир. Тош отган заҳоти у ердан кетиш керак бўлади. Кейинги кун субҳигача отилмаса, жонлиқ сўйиш вожиб бўлади. Кечаси отиш макруҳ. Аммо аёллар, қарилар, касаллар кечаси отгани афзал. Тош отаётган жой 2 қаватли бўлиб, қайсидан отса ҳам бўлаверади.
Узрли кишиларни тошини бошқа отса ҳам бўлади, фақат аввал ўзиникини отиши шарт. Тош отилгач, ифрод ҳажни ният қилган киши соч олдиради. Лекин у агар қурбонлик қилмоқчи бўлса, аввал қурбонлик қилиб кейин сочини олдиради. Қирон, Таматтуъдагилар шундай қилиши шарт. Энди эҳромда ман қилинган ишларнинг аёллардан бошқаси ҳалол бўлади.
Хоразм вилоятидаги илмий-амалий семинар доирасида Ўзбекистон мусулмонлари идораси раиси, муфтий Шайх Нуриддин Холиқназар ҳазратлари томонидан тизимда фидокорона хизмат қилаётган илғор ходимлар тақдирланди. Бунда ходимлар фаолияти ва касбга бўлган садоқатини холисона баҳолаш мақсадида жорий этилган замонавий KPI тизими орқали йил давомида энг юқори натижаларни қайд этган имом-домлаларга «Мақтов ёрлиғи», пул мукофоти ва қимматбаҳо совғалар топширилди.
Жумладан, беш йилдан бери ҳар куни бомдод намозини жамоатга ўқиб бериш учун 40 км йўл босиб келувчи ва таъсирчан суҳбатлари ила қавм саводхонлигини оширган Урганч шаҳридаги “Охунбобо” масжиди имом-хатиби Ҳасан домла Кенжаев фидойилиги учун 20 миллион сўм пул мукофоти билан эътироф этилди.
Шунингдек, KPI баҳолаш тизими бўйича қуйидаги 10 нафар диний соҳа ходими ҳам ўз йўналишида пешқадам бўлиб, муносиб эътирофга сазовор бўлди:
– Ҳусан домла Асадов, Бухоро вилояти Когон тумани «Ҳожи Салим» масжиди имом-хатиби;
– Хайрулла домла Адамбаев, Хоразм вилояти Янгибозор тумани "Жума" масжиди имом-хатиби;
– Фахриддин домла Шайзоқов, Жиззах вилояти Жиззах шаҳри "Қалия" масжиди имом-хатиби);
– Нурулло домла Маҳкамов, Наманган вилояти Чуст тумани "Саид Насимхон тўра" жоме масжиди имом-хатиби;
– Қутлимурат домла Изтилеуов, Қорақалпоғистон Республикаси Бўзатов тумани "Суйин эшон бобо" масжиди имом-хатиби;
– Муҳаммадёр домла Жомонқулов, Самарқанд вилояти Булунғур тумани "Амир Ҳамза" масжиди имом-хатиби;
– Ҳамдам домла Собиров, Хоразм вилояти Қўшкўпир тумани "Абул Қосим бобо" масжиди имом-хатиби;
– Салоҳиддин домла Тошанов, Тошкент шаҳри Яккасарой тумани "Яккасарой" масжиди имом-хатиби;
– Баҳодир домла Муртазоев, Тошкент вилояти Чиноз тумани "Қози Маҳалла" масжиди имом-хатиби;
– Ибодулла домла Собиров, Хоразм вилояти Хонқа тумани "Халифайи Худойқул эшон бобо" масжиди имом-ноибилари энг юқори натижа кўрсатганлари учун муносиб тақдирландилар.
Бундай юксак эътибор ва мукофотлар диний соҳа ходимларини келгусидаги эзгу амаллар ҳамда юртимизнинг маънавий-маърифий тараққиётига янада улкан ҳисса қўшишга руҳлантиради.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа