Шу йилнинг 29-30 июль кунлари Қоҳира шаҳрида “Шиддат билан ривожланиб бораётган дунёда фатво ва юксак ахлоқни шакллантириш” мавзуcидаги халқаро анжуман бўлиб ўтди. Унда 100 дан ортиқ давлатдан келган юқори мартабали давлат ва жамоат арбоблари, етук уламолар, диний етакчилар ва фатво идоралари вакиллари иштирок этди.
Мазкур нуфузли тадбирда Миср муфтийси Шавқий Иброҳим Аллом таклифига биноан Ўзбекистон мусулмонлари идораси раисининг биринчи ўринбосари Ҳомиджон домла Ишматбеков қатнашди.
Халқаро анжуманда дин уламолари томонидан чиқарилган фатволар кишилар ва жамиятларни тўғри йўлга йўналтириш ва юксак ахлоқни шакллантиришда муҳим ўрин тутиши, шиддат билан ривожланувчи дунёда ва технологиялар тараққий этиб бораётган даврда фатволар янги чақириқларга мослашиши ҳамда диннинг асосий тамойилларига асосланган бўлишига алоҳида эътибор қаратилди.
Ушбу анжуманда турли мамлакатлардан келган олим ва соҳа мутахассислари мавзу юзасидан ўз маърузалари билан қатнашиш баробарида ўзаро фикр-мулоҳаза алмашдилар.
Ўзбекистон мусулмонлари идораси Матбуот хизмати
"Ўқитувчи ва мураббийлар куни" арафасида Қўқон шаҳридаги "Амирий" кутубхонасида Қўқон шаҳар бош имом-хатиби Абдумажид домла Исақовнинг "Баҳрул-маҳабба", "Замзам сувининг фазилатлати" ва "Аҳлингизни асранг, азизлар" китоблари тақдимоти бўлиб ўтди. Тақдимотда шаҳар ҳокими Маъруфжон Усмонов, Ўзбекистон мусулмонлари идораси Фарғона вилояти вакиллиги бош муҳтасиби Иқболжон Аҳмадалиев ва бир қатор мутасаддилар иштирок этиб, ўз фикр-мулоҳаза ва табрикларини изҳор қилдилар.
Тақдимотда сўзга чиққанлар томонидан Абдумажид домланинг дин ва ватан ривожи йўлида амалга ошираётган самарали хизматлари тилга олиниб, халқимизга туҳфа қилинган янги нашрлар ёшларни имон-эътиқодли, ватанга садоқат руҳида тарбиялаш, айниқса, ёш оилалар учун "Аҳлингизни асранг, азизлар" китоби айни вақтида нашр этилганини эътироф этдилар.
Тадбирда якунида Абдумажид домла Исақовга Мустақил Давлатлар Ҳамдўстлиги миқёсида ташкил этилган "Юрт ифтихори" эсдалик нишони топширилиб, устознинг келгуси фаолиятларига муваффақият тиланди.
Фарғона вилояти вакиллиги
Матбуот хизмати