17 Сентябр, 2026, 6 Рабиъус сони, 1448
17 Сентябр, 2026, 6 Рабиъус сони, 1448
Ўзбекистон мусулмонлари идораси жамоаси кўп йиллар диний-маърифий соҳада хизмат қилган Наманган шаҳридаги “Абдулқодир қори” жоме масжиди имом-ноиби Юнусхон қори Жаббаровнинг вафоти муносабати билан чуқур таъзия изҳор этади.
Аллоҳ таоло марҳум уламони Ўз мағфиратига олсин, иймонларини саломат қилсин, солиҳ амалларини ўзларига ҳамроҳ этсин. Охиратларини обод этиб, жойларини Фирдавс жаннатларидан қилсин!
Ҳақ таоло марҳум домламизнинг аҳли оиласи, фарзанду аржумандлари, сафдошлари, шогирдлари ва яқинларига чиройли сабр бериб, бу мусибатларини яхшиликлар ила тўлдирсин. Биз Буюк Парвардигордан дуо қилиб сўраймизки, марҳум имомимизни ўзининг чексиз раҳматига олсин, жаннат боғларига дохил этсин.
Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан Юнусхон домла Жаббаровнинг яқинларига ҳамдардлик билдирамиз.
Инна лиллаҳи ва инна илайҳи рожиъун!
«Албатта, биз Аллоҳникимиз ва албатта, биз У Зотга қайтувчимиз».
Ўзбекистон мусулмонлари идораси
Шу йил 8 сентябрь куни Ўзбекистон мусулмонлари идорасида АҚШда фаолият юритаётган "VATAN Global Alliance" ташкилоти раҳбари Озод Солиев бошчилигидаги делегация билан самимий учрашув бўлиб ўтди.
Мулоқотда Ўзбекистон мусулмонлари идораси раисининг биринчи ўринбосари Ҳомиджон домла Ишматбеков, Дин ишлари бўйича қўмита раисининг биринчи ўринбосари Давронбек Махсудов ҳамда мутахассислар иштирок этди.
Учрашув давомида АҚШдаги юртдошларимизга доимий руҳий-маънавий кўмак бериш ва уларнинг ижтимоий мослашувига кўмаклашиш, хусусан, ёшлар тарбиясига алоҳида эътибор қаратиб, хорижий тилларда эркин маъруза қила оладиган малакали ёш кадрларни тайёрлаш яхши натижа бериши қайд этилди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 