Рабиус соний ойининг иккинчи ҳафтасида рўй берган диний-маърифий соҳадаги муҳим янгиликлар билан танишинг!
00:00 Анонс
00:59 “Ислом – эзгулик ва тинчлик дини” мавзусидаги нуфузли халқаро анжуман бўлиб ўтди
04:04 Термиз шаҳрида Имом Термизий илмий меросига бағишланган халқаро анжуман ўтказилди
05:15 Миср ва Ўзбекистон муфтийлари фатволар ишлаб чиқишда ҳамкорлик қилади
05:57 Умра фаолиятини ташкил этиш ва ўтказиш борасида Вазирлар Маҳкамасининг қарори қабул қилинди
06:27 Тарғиботчи ҳожилар билан мулоқот қилинди
07:01 Қориялар тақдирланди
07:31 Имомлар иштирокида сайёр учрашув бўлиб ўтди
07:52 “Ҳанафий мазҳабига теран нигоҳ” китобининг тақдимоти ўтказилди
08:35 Қувадаги “Қўшкечик” масжиди қайта бунёд этилди
Ўзбекистон мусулмонлари идораси Матбуот хизмати
Ўзбекистон мусулмонлари идораси тизимида хизмат қилаётган имом-хатиб ва имом-ноиблар ўртасида касбий маҳоратни ошириш, илмий-ижодий, маънавий-маърифий фаолият олиб бориш йўналишларида ўзаро ҳамкорликни мустаҳкамлаш мақсадида "Устоз-шогирд" мактаби жорий қилинади.
Бу анъанани қайта тиклаш, соҳада хизмат қилаётган ёш кадрлар салоҳиятини ошириш мақсадида Фарғона вилояти вакиллиги томонидан тадбир ташкил этилди. Унда вилоят бош имом-хатиби Убайдуллоҳ домла Абдуллаев, вилоят бош имом-хатиби ўринбосари Алишер домла Наимов ҳамда шаҳар-туман бош имом-хатиблари, тажрибали имомлар иштирок этишди.
Тадбирда таълим даргоҳларини тамомлаб, соҳада фаолият бошлаган ёш имомлар тажрибали, устозларга бириктирилгани, ушбу тизим ёш имомларнинг касбий маҳоратини ошириш, илмий-ижодий, маънавий-маърифий фаолиятни мустаҳкамлашда муҳим аҳамият касб этиши таъкидланди. Устоз ва шогирдларга қўйиладиган вазифалар айтилди.
Ўзбекистон мусулмонлари идораси
Матбуот хизмати