08 Июн, 2025, 12 Зулҳижжа, 1446
08 Июн, 2025, 12 Зулҳижжа, 1446
«Вақф» хайрия жамоат фондининг Фарғона вилояти филиали фидоий волонтёрлар гуруҳи, саховатпеша ҳомийлар ҳамроҳлигида Қўштепа туманида яшаб келаётган боқувчиси йўқ оиланинг мушкулини осон қилишди. Кўп йиллардан буён бир хонали уйда, оғир шароиталарда яшаб келаётган оилага барча шаритларга эга, тўлиқ жиҳозланган ҳовли-жой янгидан қуриб берилди.
Меҳмонхона, ётоқхона, ошхона ва ҳамомдан иборат бу янги уй она ва унинг уч нафар фарзанди учун ҳақиқий совға бўлди, дейиш мумкин. Шунингдек, мазкур оилага ҳомийлар томонидан кир ювиш машинаси, газ плитаси, пишириқ печи ва китоблар ҳам ҳадя қилинди. Яна бир кўнгилни равшан қиладиган жиҳати, оила бир-неча йиллардан буён ичимлик сувидан қийналар, уни анча олисдан ташиб келиб истеъмол қилишарди. Эндиликда бу муаммо ҳам ҳал этилди. Икки километрдан тоза ичимлик суви қувури тортиб келинди. Шунингдек, ҳовли этаги асфальтланиб, маҳалла кўчасига шағал ётқизилди.
Янги ҳовли-жойни ўз эгаларига топшириш маросимида «Вақф» хайрия жамоат фонди бошқаруви раҳбари ўринбосари Жаҳонгир Саламов, фонднинг Фарғона вилояти филиали раҳбари Бахтиёр Қирғизов, Қўштепа тумани ҳокими А.Абдуллаев ва бошқалар иштирок этишди. Мазкур оилага, юртимизга тинчлик-омонлик, файз-барака, фаравонлик тилаб дуойи хайрлар қилишди.
Бир эҳтиёжманд, боқувчиси йўқ оилага хурсандчилик улашган саховатпеша ҳомийларимиздан, фидоий волонтёрларимиздан Аллоҳ таоло рози бўлсин! Бу эзгу амаллари учун уларни Ўзи улкан ажр-савоблар билан мукофотласин.
Имкон борида эҳсон қилишга шошилинг. Телефонингиздан осонгина эҳсон қилинг.
Vaqf.uz
Бисмиллаҳир Роҳманир Роҳийм
1. Арафа куни кечаси, яъни, ҳайит кунига ўтар кечасини бедор ўтказиш.
Ҳайит кунига ўтар кечани Қуръон тиловати, зикр, тасбиҳ ва нафл намозлар билан ўтказиш улкан савобларга сабаб бўлади. Расулуллоҳ соллалоҳу алайҳи васаллам: "Ким икки ийд кечаларини Аллоҳдан савоб умидида қоим қилса, қалблар ўладиган кунда унинг қалби ўлмас”, деганлар (Ибн Можа, Табароний ривояти).
2. Ғусл қилиш. “Расулуллоҳ соллаллоҳу алайҳи васаллам фитр, азҳо ва арафа кунлари ғусл қилар эдилар” (Ибн Можа ривояти).
3. Энг яхши, янги ёки тоза кийимларни кийиш.
4. Хушбўйланиш.
5. Қурбон ҳайити намозига чиқишдан олдин ҳеч нарса емаслик. “Расулуллоҳ соллаллоҳу алайҳи васаллам Рамазон ҳайитида таомланмасдан чиқмасдилар, қурбонлик кунида эса намоз ўқигунларича таомланмасдилар” (Имом Термизий ривояти).
Эслатма! Баъзилар қурбон ҳайитида ҳеч нарса емай намозга чиқишни нотўғри тушуниб, куннинг аввалги ярмига қадар рўзани ният қилиш керак, дейишади. Шу билан бирга, ўша куни саҳарликка туришади ва оғизларини ният билан беркитиб намозга чиқишади. Ҳайит намози ўқиб бўлингач эса, худди ифторликдаги каби оғизларини очишади. Бундай қилиш нотўғри. Ҳайит кунларида рўзани ният қилиш ҳаром амал саналади. Қолаверса, ярим кунга рўза ният қилинмайди.
6. Масжидга имкон бўлса пиёда ва эртароқ бориш. “Расулуллоҳ соллаллоҳу алайҳи васаллам икки ҳайит намозига пиёда юриб чиқардилар” (Ибн Можа ривояти).
7. Йўлда таҳлил (Лаа илаҳа иллаллоҳ), такбир (Аллоҳу акбар) ва таҳмид (Алҳамдулиллаҳ) айтиш. "Аллоҳу акбар, Аллоҳу акбар, Лаа илаҳа иллаллоҳу Аллоҳу акбар, Аллоҳу акбар ва лиллаҳил ҳамд".
8. Ҳайит намозидан олдин бошқа бирор нафл намоз ўқимаслик. Масжидга боргандан сўнг таҳийятул масжид ёки бошқа бирор нафл намоз ўқимасдан зикр қилиб ўтириш лозим.
9. Намозга бир кўчадан бориб, бошқасидан қайтиш. Набий соллаллоҳу алайҳи васаллам шундай қилар эдилар.
10. Ҳайит билан муборакбод этиш. Саҳобалар: "Тақоббал Аллоҳ минна ва минкум (Аллоҳ биздан ҳам, сиздан ҳам қабул этсин)", деб бир-бирларини байрам билан табриклашарди.
11. Аҳли аёл ва ёш болаларни хурсанд қилиш. Оилада байрам кайфиятини пайдо қилиш, совға-ҳадялар улашиш керак.
12. Қавм-қариндош, ёш улуғларни зиёрат қилиш.
13. Таниш-билиш, ёру дўст, қўни-қўшниларни байрам билан табриклаш.
Қурбон ҳайитингиз муборак бўлсин!
Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 