Дин ишлари бўйича қўмита, Миллатлараро муносабатлар ва хорижий мамлакатлар билан дўстлик алоқалари қўмитаси ҳамда қатор вазирлик ва ташкилотлар билан ҳамкорликда 16-ноябрь – Халқаро бағрикенглик кунига бағишлаб, жорий йилнинг 11–16-ноябрь кунлари республиканинг барча ҳудудида “Бағрикенглик ҳафталиги” ўтказилади. https://t.me/DinQumita
Ҳафталик доирасида Республика умумтаълим мактабларида “Бағрикенглик менинг наздимда” мавзусида энг яхши иншолар танловлари, “Менинг бағрикенг дунёим” мавзусида энг яхши расмлар танловлари, бағрикенгликни тарғиб қилувчи шеърхонлик кечалари;
Республика олий таълим муассасаларида “Биз бир мамлакатда яшаётган ягона халқмиз”, “Диний маърифат ва миллатлараро бағрикенглик – жамият барқарорлиги шарти” мавзуларида илмий-амалий ва маърифий тадбирлар, “Миллатлараро тотувлик ва бағрикенглик – умрбоқий қадриятлар” мавзусида давра суҳбатлари бўлиб ўтади.
Дин ишлари бўйича қўмита
Ахборот хизмати
Ўзбекистон элчихонасида мамлакатимизнинг туризм салоҳиятига бағишланган учрашув ташкил этилди, деб хабар бермоқда “Дунё” АА.
Тадбирда Малайзиянинг “MATTA” ва “BUMITRA” сайёҳлик компаниялари раҳбарияти, маҳаллий туроператорлар, “Uzbekistan Airways” авиакомпанияcининг Куала-Лумпурдаги вакиллари иштирок этди.
Малайзиялик иштирокчиларга Ўзбекистонда туризм соҳасида амалга оширилаётган кенг кўламли ислоҳотлар, хорижий сайёҳлар учун қулай шарт-шароитлар яратиш бўйича кўрилаётган чора-тадбирлар ҳақида маълумот берилди.
Элчихона дипломатларининг таъкидланишича, ҳозирда визасиз режим 94 дан ортиқ давлат, жумладан, Малайзия фуқаролари учун амал қилмоқда.
Ўзбекистон сайёҳлик компаниялари Самарқанд, Бухоро, Хоразм ва Тошкент бўйича дастурлар, зиёрат, тарихий-маданий, қишки, MICE ва гастрономик туризм йўналишлари бўйича сайёҳлик пакетларини тақдим этди.
“Uzbekistan Airways” вакиллари Тошкент ва Куала-Лумпур ўртасидаги тўғридан-тўғри авиақатновлар ҳақида маълумот берди. Қиш мавсумида Ўзбекистон ва Малайзия ўртасидаги тўғридан-тўғри рейслар сонини ҳафтасига иккитадан тўрттагача ошириш режалаштирилган.
Иштирокчилар тўғридан-тўғри авиақатновларнинг кенгайиши Марказий ва Жануби-Шарқий Осиё ўртасидаги сайёҳлар оқимининг ўсишига хизмат қилишини таъкидлади.
B2B форматидаги музокаралар чоғида Ўзбекистонга сайёҳлар оқимини ошириш, Малайзияда зиёрат, қишки ва MICE туризми йўналишлари бўйича сайёҳлик пакетлари савдосини кенгайтириш юзасидан келишувларга эришилди.
Ўзбекистон мусулмонлари идораси Матбуот хизмати