Жобир розияллоҳу анҳудан ривоят қилинади. Расулуллоҳ соллаллоҳу алайҳи васаллам айтдилар: “Менинг исмимни қўйинглар! Кунямни қўйманглар. Чунки мен сизнинг ўртангизда (илмни) тақсимловчи қилиндим” (Имом Бухорий, Имом Муслим ривояти).

Абу Дардо розияллоҳу анҳудан ривоят қилинган ҳадисда Расулуллоҳ соллаллоҳу алайҳи васаллам: “Қиёмат кунида ўз исмингиз ва оталарингиз исмлари билан чақириласизлар. Шунинг учун (фарзандларга) чиройли исм қўйинглар!” деганлар (Имом Аҳмад, Абу Довуд, Ибн Ҳиббон ва Табароний ривояти).

2023 йилда Англия ва Уэльсдаги ота-оналар ўғлига Муҳаммад, қизига эса Оливия деб исм қўйишган. Бу ҳақда theguardian.com сайти хабар берди.

Муҳаммад исми Нуҳ (Ной) исмини четга суриб, иккинчи ўриндан юқорига кўтарилди.

Шу билан бирга, Оливия исми ҳам кетма-кет иккинчи йил энг машҳур ном бўлди.

Бу маълумотлар Буюк Британия Миллий статистика бошқармаси йиллик ҳисоботида маълум қилинди.

Ўғил болаларнинг 100 та энг яхши исмлари Муҳаммад исмининг уч хил шаклини, жумладан, Моҳаммед ва Моҳаммадни ҳам ўз ичига олади.

Муҳаммад исми Англияда 2016 йилдан бери кучли 10 таликдан жой олиб келмоқда. Статистика бошқармаси Муҳаммад исмининг машҳурлиги диний сабабларга кўра эканлигини таъкидлаган.

2023 йилдаги энг яхши уч нафар қиз исмлари 2022 йилдан бери ўзгаришсиз қолмоқда. Бу исмлар Оливия, Амелия ва Исла.

Шунингдек, қизларнинг энг машҳур ўнта исмлари қаторига Лили, Фрея, Ава, Иви, Флоренс ва Изабелла ҳам кирди. Ўғил болалар учун энг яхши учта исм Муҳаммад, Нуҳ, Оливер. Кучли ўнликка Жорж, Лео, Артур, Люк, Теодор, Оскар ва Генрилар кирди.

Манба: Theguardian.com