Адлия вазирлиги бундай огоҳлантирмоқда:

Ўзбекистон Республикасининг “Нодавлат нотижорат ташкилотлари тўғрисида”ги қонуни (https://lex.uz/docs/11360) ҳамда Вазирлар Маҳкамасининг 2014 йил 10 мартдаги 57-сон қарори (https://lex.uz/docs/2356876) талабларига асосан нодавлат нотижорат ташкилотлари ҳар йили 1 февралгача рўйхатдан ўтказувчи адлия органларига ўз фаолияти тўғрисида ҳисоботлар тақдим этишлари шарт.

Ҳисобот (https://lex.uz/docs/3796969) шакли Адлия вазирлиги томонидан тасдиқланган. Ҳисоботларни тақдим қилиш Нодавлат нотижорат ташкилотлари электрон портали (e-ngo.uz) (https://e-ngo.uz/) орқали амалга оширилади.

Маъмурий жавобгарлик тўғрисидаги кодекснинг (https://www.lex.uz/docs/97664) 239-моддасига мувофиқ нодавлат нотижорат ташкилотларининг ўз фаолияти тўғрисидаги ҳисоботларни рўйхатдан ўтказувчи органга ўз вақтида тақдим этмаслиги ёки белгиланмаган шаклда тақдим этиши мансабдор шахсларга жарима солишга сабаб бўлади.

Ҳисоботни тўлдириш юзасидан видео қўлланма билан батафсил танишинг.

Ўзбекистон мусулмонлари идораси

Матбуот хизмати