Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг ташаббуси билан азон ва иқома бўйича ижоза бериш анъанаси йўлга қўйилди. Мазкур хайрли ишнинг давоми сифатида 2026 йил 21 январдан бошлаб “Қуръони карим ва тажвид” ўқув курслари ўқитувчилари ҳамда олий ва ўрта ислом таълим муассасалари устозлари учун “Азон дарслари” ташкил этилди.

Бугун, 2 февраль куни “Қуръон ва тажвидни ўргатиш” бўлимида мазкур мутахассислар учун азон ва иқома бўйича навбатдаги амалий машғулот бўлиб ўтди.

Машғулотлар бўлим бошлиғи Шайх Алижон қори Файзуллоҳ Махдум томонидан олиб борилмоқда.

Бугунги дарсларда Тошкент Ислом институти қошидаги “Қуръони карим ва тажвид” ўқув курслари филиаллари ўқитувчилари ҳамда мазкур таълим даргоҳлари устозлари иштирок этдилар.

Дарс давомида ҳар бир тингловчининг азон ва иқома борасидаги маҳорати якка тартибда тингланиб, зарур тавсиялар берилди. Машғулотлар якунида тингловчиларга азон ва иқома бўйича ижоза гувоҳномалари топширилиши режалаштирилган. 

Ўзбекистон мусулмонлари идораси

Матбуот хизмати